The news is by your side.

ہمیں احتساب نہیں بلکہ سیاسی انتقام پر اعتراض ہے: وزیراعلیٰ سندھ

سیہون شریف: وزیراعلیٰ سندھ سید مراد علی شاہ نے کہا ہے کہ ہمیں احتساب پر اعتراض نہیں بلکہ سیاسی انتقام پر اعتراض ہے۔

تفصیلات کے مطابق سیہون شریف میں وزیراعلی سندھ مراد علی شاہ کا میڈیا سے گفتگو کرتے ہوئے کہنا تھا کہ ہمیں سیاسی انتقام کا نشانہ بنایا جارہا ہے۔

ان کا مزید کہنا تھا کہ سندھ کے کیسز سندھ میں چلائے جانے کے بجائے پنڈی میں چلائے جا رہے ہیں، نیب سندھ میں بھی موجود ہے۔

نیب راولپنڈی وزیراعلیٰ سندھ مراد علی شاہ سے سکرنڈ، کھوسکی، دادو، ٹھٹھہ، پنگریو شوگرملز کو سبسڈی دیے جانے کے معاملے پر تفتیش کررہی ہے۔

نیب راولپنڈی نے 20 مارچ کو وزیراعلیٰ سندھ کی طلبی کا نوٹس جاری کیا تھا۔

واضح رہے کہ وزیراعلیٰ سندھ سید مراد علی شاہ 25 مارچ کو احتساب عدالت میں پیش ہوئے تھے جہاں ان سے ڈیڑھ گھنٹہ تفتیش کی گئی، نیب اعلامیہ کے مطابق جوابات کی روشنی میں ان کو دوبارہ بلانے کا فیصلہ کیا جائے گا۔

نیب اعلامیہ میں کہا گیا تھا سوالنامے کے جوابات 2ہفتے میں نیب پنڈی میں فراہم کرنے کی ہدایت کی گئی ہے ، سوالنامے اور آج دیےگئے جوابات کا قانون کے مطابق جائزہ لیا جائے۔

نیب کے مقدمات اور جے آئی ٹی رپورٹ جھوٹ پر مبنی ہے، مراد علی شاہ

اعلامیے کے مطابق کیس کی انکوائری براہ راست چیئرمین نیب کی نگرانی میں جاری ہے ، نیب کسی دباؤ کوخاطرمیں لائے بغیر بدعنوانی کے خاتمے کے لیے کوشاں ہے، نیب قانون کےمطابق ہر شخص کا احترام کیا جاتا ہے۔

Comments

یہ بھی پڑھیں