سندھ میں قیام امن : قائم علی شاہ کا ڈی جی رینجرز سے ٹیلیفونک رابطہ -
The news is by your side.

Advertisement

سندھ میں قیام امن : قائم علی شاہ کا ڈی جی رینجرز سے ٹیلیفونک رابطہ

کراچی : وزیراعلیٰ سندھ قائم علی شاہ نے سندھ میں امن وامان کے قیام کے لئے ڈی جی رینجرز سے فون پر رابطہ کیا ہے، اس کے علاوہ چیف سیکرٹری اور آئی جی سندھ نے بھی وزیر اعلیٰ سندھ سے ملاقات کی۔

تفصیلات کے مطابق بڑے سائیں کو صوبے میں امن وامان کا خیال آگیا۔ وزیراعلیٰ سندھ قائم علی شاہ نے ڈی جی رینجرز کو فون کرکے امن وامان کی صورتحال اور عید پر سیکیورٹی کے انتظامات پر گفتگو کی.

سندھ کے کپتان قائم علی شاہ نے چیف سیکرٹری صدیق میمن اور آئی جی سندھ اے ڈٰی خواجہ سے ملاقات کی۔ اس موقع پر وزیراعلیٰ سندھ کو امن وامان پر بریفنگ دی گئی.

ملاقات میں قائم علی شاہ کو امجد صابری اور اویس شاہ اغواء کیس میں پیش رفت سے بھی آگاہ کیا گیا۔ علاوہ ازیں پولیس کی محکمہ جاتی انکوائری رپورٹ میں نااہلی کا پول کھل گیا.

پولیس افسران کے باہمی رابطوں کا فقدان اور بدترین نااہلی کا انکشاف سامنے آگیا۔ رپورٹ میں نو افسران سمیت چوبیس اہلکاروں کے خلاف مقدمہ درج کرنے کی سفارش کی گئی ہے۔

 

Comments

comments

یہ بھی پڑھیں