The news is by your side.

Advertisement

کراچی: بارش کے بعد وزیراعلیٰ کا مختلف علاقوں کا دورہ

کراچی : وزیراعلیٰ سندھ مراد علی شاہ نے بارش کے بعد کراچی کے اچانک دورے میں تسلیم کرلیا کہ شہر کی صورتحال زیادہ اچھی نہیں، ان کا کہنا تھا کہ ایک دن کا وزیراعلیٰ ہوں نہ یہ کوئی فلم ہے، حقیقت میں دکھاؤں گا کہ سی ایم کیسا ہوتا ہے، ماضی میں شہر کے ساتھ جو کچھ ہوا وہ نظر آرہا ہے۔


 مزید پڑھیں : کراچی:21گرڈ اسٹیشن بند ،ائیرپورٹ سمیت 60 فیصد شہر تاریکی میں ڈوب گیا


کراچی میں موسلادھار بارش کے بعد شہر کی صورتحال کا جائزہ لینے وزیراعلٰی سندھ مراد علی شاہ دورے پر نکل پڑے، جہاں جہاں پانی جمع دیکھا نااہل عملے کی کلاس بھی لی اور ہدایات بھی جاری کیں، وزیراعلٰی سندھ نےشاہراہ فیصل،محمود آباد ،طارق روڈ ،عبداللہ ہارون، روڈجیل چورنگی ناظم آباد سمیت متعدد علاقوں کا دورہ کیا۔

murad-post-2

کراچی کے مختلف علاقوں کے دورے کے دوران میڈیا سے گفتگو کرتے ہوئے وزیراعلیٰ مراد علی شاہ کا کہنا تھا کہ وہ اکیلئے شہر کی صورت حال ٹھیک نہیں کرسکتے، انھوں نے اپنے دورے کے دوران صدر ایمپریس کے ایک عام سے ہوٹل میں چائے پراٹھے سے ناشتہ کیا، بٹوہ بھول آنے پر سیکریٹری ادھار لے کر بل ادا کیا۔

murad-post-1

میڈیا سے گفتگو کرتے ہوئے وزیراعلیٰ مراد علی شاہ کا کہنا تھا کہ وہ اکیلئے شہر کی صورت حال ٹھیک نہیں کرسکتے، شہر میں بجلی کی بدترین صورتحال پر ایم ڈی کے الیکٹرک کو موقع پر فون کر ہدایت کی، انہوں نے کراچی کے شہریوں سے وعدہ کیا ہے کہ وہ کراچی کو جلد روشنیوں کے شہر میں تبدیل کر کے نیا لک دے گے ۔

شہریوں سے گفتگو میں وزیراعلٰی کے مذاق پرسب ہنس پڑے، انھوں نے کراچی سے وابستہ یادیں بھی کیں جبکہ شہریوں نے اُن کے ساتھ سیلفیاں بھی لیں۔


CM Sindh takes breakfast at Quetta-wala’s hotel by arynews


 مزید پڑھیں :  کراچی:بارش کے بعد کرنٹ لگنے سے5 افراد جاں بحق


گزشتہ روز وزیر اعلیٰ سندھ سید مراد علی شاہ نے گورنر سندھ ڈاکٹر عشرت العباد خان سے گورنر ہاؤس میں ملاقات کی، جس میں اہم امورپر بات چیت کی گئی، اس موقع پر گورنر سندھ کا کہنا تھا کہ صوبے میں رین ایمرجنسی نافذ کرکے بارش کے پانی کی نکاسی کو یقینی بنایا جائے صوبے میں ترقیاتی عمل کو مزید تیز کیا جائے تاکہ عوام کو سہولیات کی فراہمی کو یقینی بنایا جاسکے۔


 مزید پڑھیں : وزیر اعلیٰ مراد علی شاہ کی گورنر سندھ سے ملاقات، اہم امور پر گفتگو


وزیر اعلیٰ سید مراد علی شاہ نے گورنر سندھ کو بتایا کہ ترقیاتی منصوبوں کی بروقت اور معیاری تکمیل حکومت کی اولین ترجیح ہے، اس ضمن میں تمام وسائل کو بروئے کار لائے جائیں گے۔

Print Friendly, PDF & Email

Comments

comments

یہ بھی پڑھیں