اسلام آباد : سوئی سدرن گیس کمپنی نے کراچی سمیت سندھ بھر میں رواں ہفتے سی این جی اسٹیشنز 3 دن کیلئے بند کرنے کا اعلان کردیا۔
تفصیلات کے مطابق کراچی سمیت سندھ میں سی این جی اسٹیشنز کی بندش کا نیا شیڈول جاری کردیا گیا ہے۔
سوئی سدرن گیس کمپنی کی جانب سے بیان میں کہا گیا ہے کہ سندھ بھرمیں رواں ہفتے دوبارہ سی این جی اسٹیشن بندہوں گے، سی این جی اسٹیشن رواں ہفتے3دن کیلئے بند کر دیے جائیں گے۔
ترجمان نے بتایا کہ سی این جی اسٹیشنز کو جمعہ سے پیر تک72گھنٹوں کے لیے بند کیا جائے گا اور 4مارچ صبح 8 سے پیر صبح 8 بجے تک گیس کی فراہمی بند رہے گی۔
ایس ایس جی سی کا کہنا تھا کہ گیس پریشرمیں کم کےباعث سی این جی اسٹیشن بندکیےجا رہےہیں۔
یاد رہے 14 فروری کو کراچی سمیت سندھ بھر کے سی این جی اسٹیشن ڈھائی ماہ کی طویل بندش کے بعد کھول دیئے گئے تھے اور تمام سی این جی اسٹیشن پر گیس کی فراہمی بحال کر دی گئی تھی۔
