کراچی : ایس ایس جی سی کا گیس بحران شدت اختیار کر گیا ہے، گیس کمی کی وجہ سے شہر کراچی کے سی این جی اسٹیشن بند کیے جا رہے ہیں۔
تفصیلات کے مطابق کراچی کے سی این جی اسٹیشنز رواں ہفتے دوبارہ 3 دن کے لیے بند کیے جائیں گے، یہ فیصلہ گیس بحران شدت اختیار کرنے کی وجہ سے کیا گیا ہے، گھریلو صارفین کو بھی گیس کمی کا سامنا ہے۔
اس حوالے سے ذرائع کا کہنا ہے کہ سی این جی اور آر ایل این جی اسٹیشنز کی 72گھنٹے بندش کا شیڈول جاری کردیا گیا ہے، کراچی میں اسٹیشنز جمعہ3فروری صبح8سےپیر6فروری صبح8بجےتک بند رہیں گے۔
ذرائع کے مطابق سی این جی، آر ایل این جی اسٹیشنز سے3دن تک گیس فراہمی بند رہے گی، سی این جی اسٹیشنز کی بندش سے گھریلوصارفین کی ضروریات کو پورا کیا جاسکے گا۔
اس کے علاوہ ذرائع کا مزید کہنا ہے کہ انڈسٹریز، کیپٹو پاور کو اتوار5فروری صبح8بجے سے24گھنٹے گیس ترسیل بند رہے گی
