تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

بلوچستان : کوئلے کی کان سے 6 مزدوروں کی لاشیں نکال لی گئیں

کوئٹہ : بلوچستان کے ضلع ہرنائی میں کوئلے کی کان میں حادثے کے نتیجے میں جاں بحق ہونے والے 6 کان کنوں کی لاشیں نکال لی گئیں، آپریشن تقریباً 8 گھنٹے تک جاری رہا۔

حادثہ ہفتے کی صبح ہرنائی کی تحصیل شاہرگ کے علاقے ترخ تنگی کی ایک کوئلے کی کان میں پیش آیا۔ ریسکیو اہلکاروں کے مطابق حادثے کی وجہ کان میں میتھین گیس کی موجودگی کو قرار دیا گیا ہے۔

گیس دھماکے کے باعث کان کا ایک حصہ بیٹھ گیا اور سینکڑوں فٹ گہرائی میں6 کان کن پھنس گئے تھے جو باوجود کوشش کے زندہ نہ بچ سکے۔

ریسکیو کی ٹیم آکسیجن کے لیے استعمال ہونے والے متبادل راستے سے کان کے متاثرہ حصے تک پہنچی ہے اور دو لاشیں نکال لی گئیں جبکہ اب مزید دو مزید کان کنوں کی لاشیں بھی نکال لی گئیں ہیں۔

ضلعی انتظامیہ کے مطابق ریکسیو آپریشن تقریباٗ 8 گھنٹوں تک جاری رہا جس میں پی ڈی ایم اور محکمہ معدنیات کی ریسکیو ٹیموں نے حصہ لیا، لاشیں متعلقہ اسپتال منتقل کردی گئیں ہیں جہاں ان کی شناخت نصیب گل، سرفراز، نجیب اللہ ، رحمان اللہ ، غنی رحمان اور باچا کے نام سے کی گئی ہے۔

وزیر اعلیٰ بلوچستان عبدالقدوس بزنجو نے متاثرہ خاندانوں سے اظہار افسوس کرتے ہوئے متعلقہ حکام سے رپورٹ طلب کر لی ہے، دوسری جانب محکمہ معدنیات کے حکام کا کہنا ہے واقعے کی ایف آئی آر درج کر لی گئی ہے، تحقیقات جاری ہیں تمام ذمہ داروں کو سزا دی جائے گی۔

مزید پڑھیں : اورکزئی میں کوئلے کی کان میں دھماکا، 7 مزدور جاں بحق

یاد رہے کہ گزشتہ ماہ نومبر میں خیبرپختونخوا کے قبائلی علاقے ضلع اورکزئی میں کوئلے کی کان میں دھماکے کے نتیجے میں کم از کم 7 مزدور جاں بحق ہوگئے تھے۔ ڈی پی او کے مطابق دھماکے کے وقت کان میں 13 مزدور کام کر رہے تھے۔

Comments

- Advertisement -