راولپنڈی: آرمی چیف سے اقوام متحدہ میں پاکستان کے مستقل مندوب نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف سے اقوام متحدہ میں پاکستان کےمستقل مندوب منیر اکرم نے ملاقات کی، ملاقات جی ایچ کیو راولپنڈی میں ہوئی۔
آئی ایس پی آر کے مطابق ملاقات میں باہمی دلچسپی ، علاقائی سیکیورٹی کی صورتحال پر تبادلہ خیال کیا گیا، ساتھ ہی افغانستان میں مفاہمتی عمل اور تنازع کشمیر پر بھی تفصیلی بات چیت کی گئی۔
آئی ایس پی آر کے مطابق ملاقات میں آرمی چیف نے پاکستانی مشن کی اقوام متحدہ میں خدمات کو سراہا۔
