17.5 C
Boydton
ہفتہ, مئی 25, 2024
اشتہار

آرمی چیف نے یو این سیکریٹری جنرل سے ملاقات میں مسئلہ کشمیر اور غزہ کا مسئلہ اٹھادیا

اشتہار

حیرت انگیز

راولپنڈی: آرمی چیف جنرل عاصم منیر نے اقوام متحدہ کے سیکرٹری جنرل انتونیو گورتریس سے ملاقات میں مسئلہ کشمیر اور غزہ کا مسئلہ اٹھادیا۔

تفصیلات کے مطابق آئی ایس پی آر کی جانب سے بیان میں کہا گیا ہے کہ امریکہ کے جاری دورے کے دوران آرمی چیف جنرل سید عاصم منیر نے اقوام متحدہ کے سیکرٹری جنرل انتونیو گوٹیرس سے ملاقات کی۔

اقوام متحدہ کے ہیڈ کوارٹر نیویارک میں ملاقات کے دوران یو این سیکرٹری جنرل نے آرمی چیف کا پرتپاک خیرمقدم کیا اور پاک فوج اور قانون نافذ کرنے والے اداروں کے دستوں کے دنیا کے امن اور استحکام کے لئے تعاون کو سراہا۔

- Advertisement -

آرمی چیف جنرل سید عاصم منیر نے اقوام متحدہ کے ساتھ ہر سطح پر پاکستان کے تعاون کی توثیق کی اور اپنی بات چیت کے دوران خاص طور پر کشمیر اور غزہ کے جاری مسائل پر روشنی ڈالی۔

آرمی چیف جنرل سید عاصم منیر نے کہا کہ جنوبی ایشیا میں کشمیر کے دیرینہ تنازعہ کو اقوام متحدہ کی سلامتی کونسل کی قراردادوں اور کشمیری عوام کی امنگوں کے مطابق حل کئے بغیر ناگزیر رہے گا۔

جنرل سید عاصم منیر نے مقبوضہ جموں و کشمیر کی حیثیت کو تبدیل کرنے کی یکطرفہ اور غیر قانونی بھارتی کوششوں کی بھی مذمت کی اور قرار دیا کہ یہ اقوام متحدہ کی سلامتی کونسل کی قراردادوں کی کھلی خلاف ورزی ہے۔

آرمی چیف نے مسئلہ فلسطین پر پاکستان کے مؤقف کا اعادہ کرتے ہوئے یو این سیکرٹری جنرل پر زور دیا کہ وہ غزہ میں جاری لڑائی کے فوری خاتمے کے لیے عالمی برادری کو متحرک کریں تاکہ کسی بڑے انسانی المئے کو رونما ہونے سے روکا جا سکے۔

انہوں نے واضح کیا کہ فلسطین کے مسئلے کا پائیدار حل دو ریاستی حل میں موجود ہے۔

جنرل سید عاصم منیر نے خصوصا” بے گناہ معصوم شہریوں کی حالت زار پر گہری تشویش کا اظہار کرتے ہوئے کہا جنہیں بے دردی سے نشانہ بنایا جا رہا ہے اور انہیں خاطر خواہ انسانی امداد فراہم نہیں کی جا رہی ہے۔

یو این سیکرٹری جنرل نے جنرل سید عاصم منیر کے خدشات سے اتفاق کیا۔

Comments

اہم ترین

لئیق الرحمن
لئیق الرحمن
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں

مزید خبریں