راولپنڈی: آرمی چیف جنرل قمر جاوید باجوہ نے سابق نیول چیف ایڈمرل کرامت رحمان کے انتقال پر اظہار تعزیت کیا ہے۔
پاک فوج کے شعبہ تعلقات عامہ کے مطابق ڈائریکٹر جنرل آئی ایس پی آر میجر جنرل بابر افتخار نے سماجی رابطے کی ویب سائٹ ٹؤئٹر پر جاری بیان میں بتایا کہ آرمی چیف نے سابق نیول چیف ایڈمرل کرامت رحمان کےانتقال پراظہار تعزیت کیا ہے۔
ڈی جی آئی ایس پی آر کے مطابق اپنے تعزیتی بیان میں آرمی چیف نے سابق نیول چیف ایڈمرل کی دعائے مغفرت کی اور دعا کی کہ اللہ تعالیٰ سوگواران کو ناقابل تلافی نقصان کا سامنا کرنے کی توفیق عطا کرے۔
ترجمان پاک بحریہ کے مطابق پاک بحریہ کے سابق سربراہ ایڈمرل کرامت رحمان نیازی کا انتقال اسلام آباد میں ہوا، سابق سربراہ ایڈمرل کرامت رحمان نیازی نے 1951 میں پاک بحریہ میں کمیشن حاصل کیا تھا۔
کرامت رحمان نیازی 1979 سے 1983 تک پاک بحریہ کے سربراہ رہے، انہوں نے 1956 میں پاک بحریہ میں کمیشن حاصل کیا اور 1964 میں پاکستان کی پہلی آبدوز ’’غازی‘‘ کے کمانڈر بنے۔
کرامت رحمان نیازی نے 1965 اور 1971 کی جنگوں میں حصہ لیا اور نشان امتیاز(ملٹری)، ستارہ جرات (ملٹری) اور ہلال امتیاز (ملٹری) کے اعزازات حاصل کیے۔
کرامت رحمان نیازی 22 مارچ 1979 کو پاکستان بحریہ کے چیف آف اسٹاف بنے اور 23 مارچ 1983 تک اس عہدے پر فائز رہے۔
General Qamar Javed Bajwa, #COAS, expresses heartfelt condolences on the sad demise of former Chief of the Naval Staff Admiral Karamat Rahman Niazi (retired). “May Allah bless his soul & give strength to the bereaved family to bear this irreparable loss, Ameen”, COAS.
— DG ISPR (@OfficialDGISPR) May 4, 2021
پاک فضائیہ کے سربراہ ایئر چیف مارشل ظہیر احمد بابر سدھو نے بھی سابق نیول چیف کرامت رحمان نیازی کےانتقال پر اظہار تعزیت کیا ہے، ترجمان پاک فضائیہ کے مطابق ائیر چیف نےلواحقین سے دلی ہمدردی کا اظہاراور مرحوم کے ایصال ثواب کیلئےدعا کی۔
ایئر چیف مارشل ظہیر احمد بابر سدھو کا کہنا تھا کہ کرامت رحمان نیازی نفیس شخصیت کےحامل تھے۔
Air Chf Mshl Zaheer Ahmed Baber Sidhu, Chief of Air Staff, PAF has expressed his profound grief on the sad demise of Admiral (Retd) Karamat Rahman Niazi, Ex Chief of Naval Staff (1979 – 1983).
— DGPR (AIR FORCE) (@DGPR_PAF) May 4, 2021
