آرمی چیف کی معصوم زینب کے قتل کی مذمت، مجرمان کی گرفتاری کی ہدایت Zainab
The news is by your side.

Advertisement

آرمی چیف کی معصوم زینب کے قتل کی مذمت، مجرموں کی فوری گرفتاری کی ہدایت

راولپنڈی: آرمی چیف کی جانب سے معصوم زینب کے وحشیانہ قتل کی پرزور مذمت کرتے ہوئے فوجی حکام کو سول انتظامیہ سےمکمل تعاون کی ہدایت کی گئی ہے۔

ڈی جی آئی ایس پی آر کے مطابق جنرل قمر جاوید باجوہ نے ظلم اور بربریت کا شکار بننے والی زینب کے والدین کی اپیل پر فوجی حکام کو سول انتظامیہ سے مکمل تعاون کی ہدایت کی ہے۔

ISPR

آئی ایس پی آر کے ڈائریکٹر جنرل میجر جنرل آصف غفور نے اپنے ٹویٹر پیغام میں کہا ہے کہ آرمی چیف نے زینب کے والدین کی اپیل پر ردعمل دیتے ہوئے مجرموں کو گرفتار کرکے انصاف کے تقاضے پورے کرنے کی خصوصی ہدایت جاری کی ہیں، یاد رہے کہ مقتول زینب کے والد  میڈیا سے گفتگو کرتے ہوئے پنجاب حکومت پرعدم اعتماد کااظہار کرتے ہوئےآرمی چیف آف پاکستان سے انصاف کی فراہمی میں مدد کی اپیل کی تھی۔

یاد رہے کہ چار روز قبل اغوا ہونے والی ننھی زینب کو درندوں نے اجتماعی زیادتی کا نشانہ بنانے کے بعد قتل کیا کردیا تھا‘ سات سالہ بچی زینب کو گزشتہ روز آہوں اور سسکیوں کے ساتھ سپرد خاک کیا گیا‘ ننھی پری کی نمازجنازہ علامہ طاہرالقادری نے پڑھائی تھی۔

 اغوا کے وقت زینب کے والدین عمرےکی سعادت کے لیے سعودیہ عرب میں موجود تھے اور وہ اپنی خالہ کے گھر مقیم تھی‘  گذشتہ ڈیڑھ سال کے دوران قصورمیں بچیوں کواغواکےبعد قتل کرنے کا یہ دسواں واقعہ ہے اور پولیس ایک بھی ملزم کو گرفتار کرنے میں ناکام ثابت ہوئی ہے۔

Comments

comments

یہ بھی پڑھیں