راولپنڈی : آرمی چیف جنرل قمرجاویدباجوہ نے سندھ کے عوام کو بھرپور خراج تحسین پیش کرتے ہوئے کہا پاکستان کامستقبل نوجوانوں کےہاتھوں میں ہے اور آپ نے ہی نوجوانوں نے پاکستان کی قیادت کیلئے ترجیحات طے کرنی ہیں، پاکستان کوآگے لے جانے کے لئے میرٹ کو یقینی بناناہوگا۔
تفصیلات کے مطابق آرمی چیف جنرل قمرجاویدباجوہ نے سندھ بھر کے نوجوانوں کے نمائندہ وفد سے بات چیت کرتے ہوئے کہا سندھ کے عوام کو بھرپور خراج تحسین پیش کیا اور کہا پاکستان کامستقبل نوجوانوں کےہاتھوں میں ہے، آپ لوگوں نے پاکستان کی قیادت کیلئےترجیحات طےکرنی ہیں، اگر ہم خود کو ایمانداری سے نہیں دیکھیں گے تو کوئی مدد نہیں کرےگا۔
آرمی چیف کا کہنا تھا کہ سندھ پاکستان کی جان ہے، سندھ کےجوان جفاکش،محنتی اوروفادارہیں، پاکستان کامستقبل جمہوریت سے وابستہ ہے، پاکستان دنیا میں اپنا مقام حاصل کرےگا، دنیا میں تبدیلی یوتھ لاتی ہے۔
COAS’ interaction with youth from Sindh. “Change can only be brought about by youth. You must”, COAS. pic.twitter.com/vxHiwj9g8u
— DG ISPR (@OfficialDGISPR) September 3, 2019
جنرل قمرجاویدباجوہ نے کہا پاکستان کو بنانے میں سندھ کابہت اہم رول ہے، ہم نے پاکستان کو وہاں لے کر جانا ہے ، جہاں اس کاحق بنتاہے، جس ڈائریکشن میں آپ جائیں گے پاکستان اس طرف جائےگا۔
ہمارے پاک فوج کے جوان ایسے ہیں ، جن سے پسینہ مانگا تو انہوں نےخون دیا
ان کا کہنا تھا امریکامیں پوچھاگیا پاک فوج نےکیسےدہشت گردی کوشکست دی، ہمارے پاک فوج کے جوان ایسے ہیں ، جن سے پسینہ مانگا تو انہوں نےخون دیا، ہم نے کراچی کودہشت گردوں سے آزاد کرایا۔
فوج میں سپاہی کویہ نہیں کہا جاتا آگے بڑھو ہمیشہ کہاجاتاہے’’فالومی‘‘
آرمی چیف نے کہا فوج میں میرٹ کا سسٹم ہے، میرٹ سےہی ملک ترقی کرتاہے، نوجوانوں نے بطور لیڈر پاکستان کی سمیت کا تعین کرناہے، فوج میں سپاہی کویہ نہیں کہا جاتا آگے بڑھو ہمیشہ کہاجاتاہے’’فالومی‘‘۔
جنرل قمرجاویدباجوہ کا مزید کہنا تھا کہ نئی نسل پاکستان کی امیدہے، پاکستان کوآگے لے جانے کے لئے میرٹ کو یقینی بناناہوگا۔
