راولپنڈی: آرمی چیف جنرل قمرجاوید باجوہ نے کور ہیڈ کوارٹرزکراچی کا دورہ کیا ہے۔
پاک فوج کے شعبہ تعلقات عامہ آئی ایس پی آر کی جانب سے جاری بیان میں بتایا گیا کہ آرمی چیف جنرل قمرجاوید باجوہ نے کور ہیڈ کوارٹرزکراچی کا دورہ کیا، کور ہیڈ کوارٹرز کراچی آمد پر کورکمانڈر لیفٹیننٹ جنرل ندیم انجم نےآرمی چیف کا استقبال کیا۔
آئی ایس پی آر کے مطابق آرمی چیف کوآپریشنل تیاریوں، تربیتی اور انتظامی امورپربریفنگ دی گئی ساتھ ہی آرمی چیف کو صوبے میں داخلی سیکیورٹی صورتحال سےبھی آگاہ کیا گیا۔
اس موقع پرآرمی چیف نے ہائبرڈخطرات سےنمٹنےکےاقدامات پربھی زور دیا اور کہا کہ خطےکی تازہ پیشرفت کےتناظرمیں قومی ردعمل اپنانےکی ضرورت ہے۔
آئی ایس پی آر کے مطابق آرمی چیف کو کراچی ٹرانسفارمیشن پلان میں فوجی معاونت سےآگاہ کیا گیا، جنرل قمر جاوید باجوہ کو بریفنگ دی گئی کہ ٹرانسفارمیشن پلان ملک کےسب سےبڑے میٹرو پولیٹن کا معیاربلند کرنےکا منصوبہ ہے، جس کے تحت کراچی میں متعدد ترقیاتی منصوبےمکمل کیےجارہےہیں، آرمی چیف نے پلان پرعملدرآمد کیلئےکراچی کور کےکردار اور معاونت کو سراہا۔
سیکیورٹی اداروں کےشہدا کےاہلخانہ سےملاقات
آئی ایس پی آر کی جانب سے جاری بیان کے مطابق آرمی چیف نے فوج، رینجرز،سیکیورٹی اداروں کےشہدا کے اہل خانہ سےملاقات کی، ملاقات میں آرمی چیف نےشہدا کےلواحقین سے خیریت دریافت کی، ملاقات میں آرمی چیف نے شہدا کےلواحقین کی فلاح وبہبود کیلئےفوری اقدامات کی ہدایت کی۔
آرمی چیف کاخاتون پاکستان گورنمنٹ گرلزاسکول کا دورہ
آئی ایس پی آر کے مطابق آرمی چیف نے خاتون پاکستان گورنمنٹ گرلزاسکول کراچی کا بھی دورہ کیا اور اسکول انتظامیہ کےمعیار اور سہولیات کی فراہمی کوسراہا، آرمی چیف کو آگاہ کیا گیا کہ اسکول زندگی ٹرسٹ کے زیر انتظام کام کررہا ہے۔
