راولپنڈی: آرمی چیف جنرل قمرجاوید باجوہ نے کہاہے کہ مادر وطن کے دفاع کے لیے ہر جارحیت کا سامنا کرنے کی صلاحیت رکھتے ہیں۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لائن آف کنٹرول کا دورہ کیا اور سی ایم ایچ مظفر آباد میں بھارتی اشتعال انگیزیوں سے زخمی ہونے والوں کی عیادت کی۔
آرمی چیف نے کہا کہ امن کی خواہش کو کمزوری نہ سمجھا جائے، کشمیر پر کوئی سمجھوتہ نہیں کیا جائے گا۔
COAS visited LOC, CMH Mzd. “Our quest for peace must never be misconstrued as weakness. There will never be a compromise on Kashmir whatever the cost. We are capable & fully prepared to thwart any misadventure/aggression for defence of our motherland”, COAS. pic.twitter.com/R0vUCzYD0q
— DG ISPR (@OfficialDGISPR) December 23, 2019
پاک فوج کے سپہ سالار نے کہا کہ مادر وطن کے دفاع کے لیے ہر جارحیت کا سامنا کرنے کے لیے تیار ہیں۔
واضح رہے کہ دو روز قبل آرمی چیف کا کہنا تھا کہ کسی قیمت پر ملکی استحکام کو خراب نہیں ہونے دیں گے، ملک دشمن قوتوں کو ناکام کرتے ہوئے ملک میں استحکام لائے ہیں۔
آرمی چیف کا کہنا تھا کہ ہم نے بطور قوم دہشت گردی کو شکست دی ہے، ہم نے دہشت گردی کے خلاف جنگ میں طویل سفر طے کیا ہے۔
