بھارت کی ریاست تلنگانہ کے کاماریڈی ضلع میں نوجوان کو خطرناک سانپ کے ساتھ کرتب دکھانا مہنگا پڑ گیا اور یوں اس کی جان چلی گئی۔
میڈیا رپورٹس کے مطابق سانپ کے ساتھ سیلفی اور ویڈیو بنانے کے چکر میں 20 سالہ ہلاک ہوگیا۔ مقتول کی شناخت موچی شیوراج کے نام سے ہوئی۔
دراصل علاقہ مکین نے خطرناک کوبرا کو علاقے میں نقل و حرکت کرتے دیکھا تو فوری گنگارام کو اطلاع دی جو سانپوں کو پکڑنے میں مہارت رکھتے ہیں۔
گنگارام نے بیٹے موچی شیوراج کو مہارت سے سانپوں کو پکڑنے کی تربیت دی اور نوجوان اس کو پکڑ لیا۔ وہ 2 میٹر لمبے کوبرا کے ساتھ سیلفی اور ویڈیوز بنانے لگ گیا۔
ایک موقع پر اس نے سانپ کا سر اپنے منہ میں رکھا اور سیلفی لینے کی کوشش کی لیکن اس دوران کوبرا نے منہ میں زہر چھوڑ دیا جس سے اس کی طبیعت بگڑ گئی۔
گنگارام اور دیگر اسے فوری طور پر بانسواڈا کے سرکاری اسپتال لے کر پہنچے جہاں ڈاکٹروں نے شیوراج کو مردہ قرار دے دیا۔
افسوسناک واقعے علاقہ مکینوں اور والدین کو گہرا صدمہ پہنچایا۔
