اکثر لوگوں کا خیال ہے مٹھائیاں اور خصوصاً برفی گھر پر بنانا کافی مشکل ہے لیکن آج ہم آپ کو کھوپرا برفی بنانے کی ترکیب بتا رہے ہیں۔

یہ نہ صرف کم وقت میں تیار ہوسکتی ہے بلکہ کھانے میں بھی بے حد مزیدار ہوتی ہے۔

اجزا

کھوپرا: 200 گرام

سفید چاکلیٹ چپ: 100 گرام

چینی: 300 گرام

پانی: آدھا کپ

خشک دودھ: 100 گرام

گھی: 100 گرام

ترکیب

سب سے پہلے ایک کڑاہی میں پانی ڈال کراس میں چینی شامل کریں اور دھیمی آنچ پر تھوڑی دیر تک پکائیں۔

جب چینی حل ہو کر شیرا گاڑھا ہو جائے تو اس میں گھی، خشک دودھ اور چاکلیٹ چپ شامل کر کے اچھی طرح مکس کریں۔

چمچ چلاتے رہیں اور پھر کھوپرا شامل کریں۔

تھوڑی دیر بعد اسے کسی ٹرے میں نکال لیں، مزیدار کھوپرا برفی تیار ہے۔

Comments