اتوار, مئی 19, 2024
اشتہار

کروڑوں مالیت کے سکے غائب، بھارت میں بھونچال آگیا

اشتہار

حیرت انگیز

ممبئی: بھارت میں کروڑوں مالیت کے سکے غائب ہونے پر بھارت میں بھونچال آگیا ہے۔

بھارتی میڈیا رپورٹ کے مطابق ریاست راجھستان کے شہر کرولی میں اسٹیٹ بینک آف انڈیا (ایس بی آئی) کی شاخ سے گیارہ کروڑ روپے مالیت کے سکے غائب ہوگئے۔

راجستھان پولس کے مطابق یہ معاملہ اس وقت سامنے آیا جب ایس بی آئی کی شاخ نے ابتدائی تحقیقات کے بعد رقم کی گنتی کرنے کا فیصلہ کیا جس میں بینک میں کیش ریزرو میں فرق ظاہر کیا گیا۔

- Advertisement -

یہ بھی پڑھیں: چوروں نے نہایت آسانی سے دکان کا شٹر کھول لیا، ویڈیو وائرل

برانچ اکاؤنٹس کے مطابق تیرہ کروڑ روپے سے زیادہ مالیت کے سکوں کی گنتی کرنے کے لیے جے پور میں ایک پرائیویٹ وینڈر کو شامل کیا گیا، گنتی سے پتہ چلا کہ برانچ سے گیارہ کروڑ روپے سے زیادہ کے سکے غائب تھے۔

واقعے کے بعد راجھستان حکومت نے واقعے کی تحقیقات سی بی آئی سے کرانے کا فیصلہ کیا،سی بی آئی ٹیموں نے دہلی، جے پور، دوسہ، کرولی، سوائی مادھو پور، الور، ادے پور اور بھیلواڑہ میں تقریباً پندرہ سابق بینک افسران اور دیگر کے رہائش گاہ پر چھاپے مارے تاہم ابھی تک کچھ حاصل نہ ہوسکا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں