کراچی : شہر قائد میں صبح سویرے ٹھنڈی ہواؤں کے باعث موسم سرد ہوگیا ہے، آنے والے دنوں میں سری کی شدت میں اضافے کا امکان ہے۔
تفصیلات کے مطابق کراچی میں رات اورصبح سویرے ٹھنڈی ہواؤں کےباعث موسم سرد ہوگیا، محکمہ موسمیات کی جانب سے کہا گیا ہے کہ آج شہرمیں دن کےاوقات میں موسم خشک رہے گا اور زیادہ سےزیادہ پارہ 32 سے 34 ڈگری تک رہنے کا امکان ہے۔
محکمہ موسمیات کا کہنا ہے کہ شمال مشرق کی سمت سےچلنےوالی ہواؤں کی رفتار8کلومیٹرفی گھنٹہ ہے اوردن میں ہوا18کلومیٹر فی گھنٹےکی رفتارسےہواچلےگی۔
محکمہ موسمیات نے آئندہ آنے والے دنوں میں درجہ حرارت میں مزید کمی کا امکان کا ظاہر کردیا ہے۔
دوسری جانب ملک کےبیشترحصوں میں موسم خشک اورسرد رہےگا، محکمہ موسمیات کے مطابق اسلام آباد، آزاد کشمیر،گلگت بلتستان میں موسم خشک اور سرد رہے گا جبکہ لاہور ، کراچی، پشاوراورکوئٹہ میں موسم خشک رہنے کی توقع ہے۔
محکمہ موسمیات کی جانب سے پنجاب کے میدانی علاقوں اور سندھ کے بعض اضلاع میں دھند کی پیشگوئی کی گئی ہے
