کراچی : شہر قائد میں پانچ کلومیٹرفی گھنٹہ کی رفتار سے چلنے والی ٹھنڈی ہوائیں سردی لے آئیں۔
تفصیلات کے مطابق محکمہ موسمیات کا کہنا ہے کہ کراچی میں ٹھنڈی ہوائیں چلنے سے موسم سرد ہوگیا، سردہوائیں چلنے کا سلسلہ مزید2روزتک جاری رہے گا لیکن بارش کا کوئی امکان نہیں ، شہرمیں5کلومیٹرفی گھنٹہ کی رفتار سے ہواچل رہی ہے۔
محکمہ موسمیات کے مطابق کراچی میں موجودہ درجہ حرارت28 ڈگری سینٹی گریڈ ہے، ہوا میں نمی کاتناسب24 فیصد ہے۔
کراچی میں ٹھنڈی ہوائیں چلنے اور موسم سرد ہونے کے بعد شہریوں نے گرم ملبوسات کی خریداری کے لئے سستے بازاروں کا رخ کرلیا ہے۔
دوسری جانب سوات کی حسین وادی نے برف کی چادر اوڑھ لی، شوگران اور ناران کے پہاڑوں پر برفباری نےسردی میں اضافہ کردیا ہے۔
لاہور میں ٹھنڈی ہوائوں کا بسیرا ہے، موسم کا حال بتانے والوں کا کہنا ہے کہ لاہور اسلام آباد میں رم جھم کا امکان ہے جبکہ مالاکنڈ، ہزارہ ڈویژن، گلگت بلتستان اور بالائی فاٹا میں بارش کی نوید سنائی ہے۔
