کولمبیا میں ایک اسٹیڈیم میں بُل فائٹنگ کے مقام پر پیش آنے والے حادثے کے بعد کم از کم چھ افراد ہلاک اور 200سے زائد زخمی ہوگئے۔
غیرملکی خبر رساں ادارے کی رپورٹ کے مطابق واقعہ اس وقت پیش آیا جب بل فائٹنگ جاری تھی کہ اچانک اسٹیڈیم میں لگے کچھ اسٹینڈ گرگئے تماشائی گھبرا کر جان بچانے کیلئے بھاگتے ہوئے نظر آئے۔
اسٹینڈ گرنے کے نتیجے میں ہونے والے بھگدڑ اور افراتفری کے باعث چھ افراد ہلاک ہوگئے حادثہ اس قدر شدید تھا کہ 200 افراد بھی شدید زخمی ہوئے جس میں 10 کی حالت تشویشناک ہے۔
مقامی ذرائع کے مطابق ابھی تک یہ واضح نہیں ہوسکا ہے کہ اسٹینڈز کے گرنے کی وجہ کیا ہے، معلومات فوری طور پر دستیاب نہیں تھیں۔
تازہ ترین اطلاعات کے مطابق مقامی حکام کا کہنا ہے کہ ہلاکتوں میں مزید اضافے کا خدشہ ہے جبکہ مریضوں کی کافی تعداد ہونے کی وجہ سے اسپتالوں میں جگہ بھی موجود نہیں ہے۔
BREAKING: Stadium collapses during bullfight in Espinal, Colombia; at least 5 dead, 500 injured pic.twitter.com/yXzHgpharS
— BNO News (@BNONews) June 26, 2022
واضح رہے کہ بل فائٹنگ ایک نہایت خطرناک کھیل ہے، جس میں آئے روز ہلاکتوں کے واقعات معمول بن چکے ہیں جبکہ بیل کی ٹکر سے لوگوں کی ہڈیاں ٹوٹنا عام سی بات ہے۔
