site
stats
پاکستان

تفصیلی جائزے سے قبل ڈان لیکس رپورٹ پر تبصرے غیرمناسب ہیں، وزارت داخلہ

اسلام آباد : ترجمان وزارت داخلہ نے کہا ہے کہ ڈان لیکس انکوائری کمیٹی کی رپورٹ کا تفصیلی جائزہ لے کر کل وزیراعظم کو پیش کی جائے گی جو کل منظوری کے بعد منظر عام پر لائی جائے گی۔

ترجمان وزارت داخلہ نے ایک اہم بیان میں وضاحت کی ہے کہ ڈان لیکس سے متعلق رپورٹ آج پونے 7 بجے پیش کی گئی اور تفصیلی جائزہ کے بعد وزیراعظم کی منظوری سے کل تک منظر عام پر لائی جائے گی۔


ڈان لیکس ،طارق فاطمی اور راؤ تحسین ذمے دار قرار


وزارت داخلہ کے ترجمان کا کہنا تھا کہ رپورٹ کا تفصیلی جائزہ سے پہلے تبصرہ کس طرح ہوسکتا ہے؟ اتنے اہم مسئلے پر بدقسمتی سے چند عناصر اس پر اپنا مخصوص زاویہ دے رہے ہیں جو نہایت قابل افسوسناک ہے۔

ترجمان وزارت داخلہ نے کہا ہے کہ اہم ملکی اور داخلی ایشوز پر محتاط رویے رکھنا چایے اور قومی سلامتی جیسے اہم امور پر بلا تحقیق کسی بھی قسم کے تبصرے سے گریز کرنا چاہیے۔


اسلام آباد: ڈان لیکس تحقیقاتی رپورٹ وزیر داخلہ کو ارسال ،3 افراد ذمہ دار قرار


واضح رہے کہ آج صبح سے یہ خبریں گرم ہیں کہ وزیرداخلہ چوہدری نثار علی خان نے وزیراعظم پاکستان نواز شریف سے ملاقات کے دوران ڈان لیکس سے متعلق انکوائری کمیٹی کی رپورٹ پیش کردی ہے جس میں معاون خصوصی طارق فاطمی اور راؤ تحسین کو عہدے سے ہٹانے کی سفارش کی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top