لاہور : کمشنر لاہورعلی رندھاوا نے امن و امان کی صورتحال کے پیش نظر مختلف علاقوں آج اسکولز و کالجز بند رکھنے کا اعلان کردیا۔
تفصیلات کے مطابق چیئرمین تحریک انصاف عمران خان کی گرفتاری کے لئے پولیس آپریشن کے پیش نظر لاہور کے کئی علاقوں میں تمام سرکاری ونجی اسکولز و کالجز بند رکھنے کا اعلان کردیا۔
کمشنر لاہورعلی رندھاوا نے کہا کہ مال روڈ،دھرم پورہ،جیل روڈ،گڑھی شاہ،مغل پورہ کےاسکولزکالجز بند رہیں گے۔
کمشنرلاہور کی جانب سے سیکریٹری اسکولز و ہائر ایجوکیشن و ڈی سی لاہور کو آگاہ کردیا گیا ہے۔
خیال رہے پولیس کازمان پارک میں آپریشن جاری ہے ، جس کے باعث زمان پارک کے اطراف حالات کشیدہ ہے۔
پولیس کی بھاری نفری اور رینجرزاہلکار زمان پارک کے گیٹ پر جبکہ پی ٹی آئی کارکنان رہنماؤں کے ساتھ زمان پارک کے باہر موجودد ہے۔
پولیس کی پی ٹی آئی کارکنوں کو منتشر کرنے کی کوششیں جاری ہے ، ٹھنڈی سڑک پر پھر شیلنگ شروع کردی گئی ہے۔
