لاہور : ڈکیت گینگ کے کارندوں کو ویڈیو بنانے کا شوق لے ڈوبا، پولیس نے ایک ویڈیو کی مدد سے وارداتیں کرنیوالے گروہ کے 2ملزمان کو گرفتارکرلیا۔
تفصیلات کے مطابق صوبائی دارلحکومت لاہور میں ایک ہی دن5وارداتیں کرنیوالے گروہ کے 2ملزمان کو گرفتار
کرلیا گیا۔
اے ایس پی عامرشوکت نے بتایا کہ ملزمان کی ٹک ٹاک کی ایک ویڈیو سے پہچان کی گئی، ملزمان نے2دن پہلے جنرل اسٹور،ایزی پیشہ سمیت دیگرد کانیں لوٹیں۔
- Advertisement -
عامرشوکت کا کہنا تھا کہ گرفتارملزمان میں کاشف اورذیشان علی شامل ہیں ہیں ، ملزمان رائیونڈ میں رواں ماہ 6 جبکہ گزشتہ ماہ4وارداتیں کرچکےتھے ۔
اے ایس پی نے مزید کہا کہ ملزمان سےڈکیتیوں میں استعمال ہونےوالااسلحہ،موٹرسائیکل برآمد کرلی گئی ہے اور ملزمان سے ریکوری کیلئے تفتیش کی جارہی ہے۔