اسلام آباد: تحریک انصاف اور جمعیت علما اسلام (ف) کو وفاقی دارالحکومت کی ضلعی انتظامیہ نے جلسوں کی مشروط اجازت دے دی ہے۔
جعلی انتظامیہ نے پارٹی درخواستوں پر جلسوں کی اجازت کے ساتھ مشروط این او سی جاری کر دیا ہے جس کے مطابق پی ٹی آئی کو پریڈگراؤنڈ اور جے یو آئی ف کو سیکٹر ایچ نائن میں جلسے کی اجازت دی گئی ہے۔
ضلعی انتظامیہ نے جےیو آئی ف کو 38 شرائط کے تحت این او سی جاری کیا جس میں روڈبلاک نہیں کیا جائے گا، ڈنڈا بردار فورس اور ہتھیار لانے کی اجازت نہیں ہوگی۔
جے یو آئی ف کو کسی قسم کے دھرنے کی اجازت نہیں دی جائے گی۔ ریڈ زون میں دفعہ 144 نافذ ہے اور ریڈ زون کے باہر ایک کلو میٹر کی حدود تک جانے کی اجازت نہیں ہوگی۔
جلسے اور ریلی کی اندرونی سیکیورٹی کی ذمہ داری منتظمین پر ہوگی جب کہ کسی بھی املاک کو نقصان پہنچا تو ذمہ دار منتظمین ہوں گے۔
داخلی راستوں پر وفاقی پولیس اور منتظمین دونوں جامع تلاشی کریں گے اسٹیج پر جانے والوں کے نام 12 گھنٹے قبل دیئے جائیں گے۔
