پنجاب اسمبلی کے تحلیل ہونے کے بعد اب صوبے کے نگراں وزیراعلیٰ تعینات کیا جانا ہے جس کے لیے 5 نامور پر غور جاری ہے۔
اے آر وائی نیوز کے مطابق پرویز الہٰی کی جانب سے اسمبلی تحلیل کی ایڈوائس پر گورنر کے دستخط نہ کرنے کے باعث اسمبلی گزشتہ شب آئینی طور پر ازخود تحلیل ہوگئی جس کے بعد اب نگراں حکومت کا قیام عمل میں لانا ہے۔
اس حوالے سے ذرائع نے بتایا ہے کہ پنجاب کے نگراں وزیراعلیٰ کے لیے 5 ناموں پر غور کیا جا رہا ہے۔ پاکستان تحریک انصاف کی جانب سے ڈاکٹر سلمان شاہ، پرویز حسن اور شعیب سڈل کے ناموں پر غور کیا جا رہا ہے جب دوسری جانب سے سابق سیکریٹریز اعظم سلیمان اور ناصر کھوسہ کے ناموں پر غور کیا جا رہا ہے۔
ذرائع کا کہنا ہے کہ نگراں وزیراعلیٰ پنجاب کے لیے دو دو نام تجویز کیے جائیں گے۔ اگر ان میں سے کسی ایک نام پر اتفاق نہ ہوا تو پھر الیکشن کمیشن ان چاروں ناموں میں سے کسی کا نام تجویز کرے گا۔
نگراں وزیراعلیٰ کے لیے ایک نام صوبائی محتسب اعظم سلیمان کا بھی ہے جنہوں نے دونوں جماعتوں کے ساتھ کام کیا ہے۔
یہ بھی پڑھیں: پنجاب اسمبلی آئینی طور پر ازخود تحلیل ہوگئی
عمران خان آج پرویز الہٰی سے ملاقات کرکے دو ناموں پر حتمی فیصلہ کریں گے جب کہ ن لیگ کی جانب سے تاحال نام منظوری کے لیے لندن میں مقیم پارٹی قائد نواز شریف کو نہیں بھیجے گئے ہیں۔
پنجاب کے نگراں وزیراعلی کے کیے اہم شخصیات کےناموں پر غورڈاکٹر سلمان۔پرویز حسن شعیب سڈل۔اعظم سلیمان ناصر کھوسہ کے ناموں پر غور ہورہا ہے۔دونوں جانب سے 2 نام تجویز ہوں گے۔اگر اتفاق نہ ہوا توECP کو مجوزہ ناموں سےانتخاب کرنا۔اعظم سلیمان اہم۔نون نے ابھی تک نواز شریف کونام نہیں بھیجے۔ pic.twitter.com/skYBnCPWeI
— Naeem Ashraf Butt (@NaeemAshrafBut2) January 15, 2023
