واشنگٹن : امریکی نیشنل سیکیورٹی کونسل کے ترجمان جان کربی نے کہا ہے کہ امریکا میں سکھ رہنما کو قتل کرنے کی سازش کے معاملے کو سنجیدگی سے لے رہے ہیں۔
واشنگٹن میں پریس کانفرنس سے خطاب کے دوران نمائندہ اے آر وائی نیوز جہانزیب علی کی جانب سے پوچھے گئے ایک سوال پر کہ بھارت نے امریکا کو قتل کی اس ناکام سازش پر کیا ردعمل دیا ہے؟
جس کے جواب میں ترجمان جان کربی نے کہا کہ یہ معاملہ ابھی زیرتفتیش ہے ہم اس معاملے کو سنجیدگی سے لے رہے ہیں۔
انہوں نے کہا کہ ہم نے بھارت کو اپنے شدید خدشات سے آگاہ کر دیا ہے، جس پر بھارت نے کہا ہے کہ واقعے کی انکوائری شروع کردی گئی ہے۔
جان کربی کا مزید کہنا تھا کہ ہم یہ دیکھنا چاہتے ہیں کہ تحقیقات ہر ممکن حد تک قابل اعتبار اور شفاف ہو، بھارت کو کہا ہے کہ قاتلانہ حملوں کے ذمہ داروں کو جوابدہ ٹھہرایا جائے، ہم ان تحقیقات کے نتائج کے منتظر ہیں۔
