کراچی: ترجمان پی ڈی ایم اے کا کہنا ہے کہ دریائے سندھ میں پانی کی سطح میں مسلسل اضافہ ہو رہاہے جبکہ تربیلا ڈیم اور کالا باغ کے مقام پر نچلے درجے کا سیلاب ہے۔
ترجمان کے مطابق چشمہ اور تونسہ کے مقام پر پانی کی سطح میں اضافہ ریکارڈ کیا گیا، دریائے جہلم چناب اور راوی میں پانی کا بہاؤمعمول پر ہے۔
دریائے ستلج میں اسلام کے مقام پر نچلے درجے کا سیلاب ہے جبکہ دریائے راوی میں شاہدرہ اور سدھنائی کے مقام پر پانی میں اضافہ ہو رہاہے، دوسری جانب دریائے چناب میں ہیڈ خانکی کے مقام پر پانی کی سطح بلند ہورہی ہے۔
- Advertisement -
واضح رہے کہ تمام بڑے دریاؤں کے بالائی علاقوں میں بارشوں کاسلسلہ 8اگست تک جاری رہے گا، اگست کے دوسرے ہفتے بارشوں کے سلسلے میں کمی کا امکان ہے۔
