ممبئی : بھارتی حکومت کی جانب سے گزشتہ روز ایک بیان میں کہا گیا ہے کہ ہندوستان نے خام اور ریفائنڈ پام آئل کی بنیادی درآمدی قیمتوں میں کمی کی ہے جبکہ خام سویا بین کی قیمت میں اضافہ کیا گیا ہے۔

غیر ملکی خبر رساں ادارے روئٹر کی رپورٹ کے مطابق بھارتی حکومت ہر پندرہ دن میں خوردنی تیل، سونے اور چاندی کی بنیادی درآمدی قیمتوں پر نظرثانی کرتی ہے۔

اس کے علاوہ ان اشیاء کی قیمتوں کا استعمال ٹیکس کی رقم کا حساب لگانے کے لیے کیا جاتا ہے جو ایک درآمد کنندہ کو ادا کرنا ہوتا ہے۔

یاد رہے کہ دنیا کے سب سے بڑے خوردنی تیل درآمد کرنے والے ملک بھارت نے گزشتہ ہفتے دو ملین ٹن سویا بین تیل کی ڈیوٹی فری درآمد کی اجازت دی تھی۔

 نئی قیمت اور  پرانی قیمت ڈالرز میں

خام پام آئل 1,625 1,703

آر بی ڈی پام آئل 1,733 1,765

آر بی ڈی پامولین 1,744 1,771

خام سویا بین تیل 1,866 1,827

سونا 597 592

چاندی 721 687

سونے اور چاندی کے علاوہ تمام اشیاء کی بنیادی قیمتیں فی ٹن ڈالر میں ہیں۔ سونے کا ٹیرف فی 10 گرام اور چاندی ڈالر فی کلو ڈالرز میں ہے۔

واضح رہے کہ پاکستانی عوام مہنگائی کی چکی میں پس رہے ہیں جبکہ پڑوسی ملک بھارت میں عوام کو ریلیف دیا جارہا ہے، بھارت میں پیٹرول کے بعد اب کوکنگ آئل کی قیمتوں میں بھی کمی کردی گئی ہے۔

مزید پڑھیں : گھی اور کوکنگ آئل کی قیمتوں‌ میں ہوشربا اضافہ

بھارت کی مقامی مارکیٹ میں کھانے پکانے کے سرسوں، سویا بین، مونگ پھلی، پام آئل سمیت دیگر خوردنی تیل کی قیمتوں میں کمی دیکھی جارہی ہے، مقامی مارکیٹ میں سویابین، سرسوں، پامولین اور مونگ پھلی سمیت متعدد خوردنی تیل کی قیمتوں میں7 سے 10 روپے فی لیٹر تک سستی ہوئی ہیں۔