کراچی : کور کمانڈر کراچی نوید مختار کا کہنا ہے کہ آپریشن مکمل طور پر غیر سیاسی اور بلا امتیاز ہے، آپریشن ہر طرح کے دباؤ سے بالاتر ہے۔
کراچی آپریشن سے متعلق رینجرزکی پاسنگ آؤٹ پریڈ میں خطاب کرتے ہوئے کور کمانڈر کراچی نوید مختار نے کہا کہ آپریشن کے باعث کراچی کے حالات میں واضح بہتری آئی ہے، آپریشن میں دہشت گرد، جرائم پیشہ افراد، ان کے معاونین اورسہولت کاروں کے خلاف بلا امتیاز کاروائی کی گئی۔
کور کمانڈر کراچی نے آپریشن کے حوالے سے اطمینان کا اظہار کرتے ہوئے کہا کہ آپریشن ہرقسم کی سیاسی دباؤ سے پاک ہے۔ آپریشن سے کراچی کی عوام کا قانون نافذ کرنیوالے اداروں پہ اعتماد بحال ہوا ۔
کورکمانڈر نے یقین دہانی کرائی کہ آپریشن کراچی میں مکمل امن کے قیام تک جاری رہے گا۔
