The news is by your side.

Advertisement

بلوچستان میں کورونا کیسز میں اضافے کا رجحان

کوئٹہ: صوبہ بلوچستان میں کورونا کیسز میں اضافے کا رجحان برقرار ہے، جولائی میں کیسز رپورٹ ہونے کی شرح 8فیصد ہوگئی۔

تفصیلات کے مطابق بلوچستان میں کورونا سے متعلق قائم آپریشن سیل کا کہنا ہے کہ جولائی میں کیسز رپورٹ ہونے کی شرح 8فیصد ہوگئی، جولائی کے پہلے10روز میں685 کورونا کیسز رپورٹ ہوئے۔

اعدادوشمار میں کہا گیا ہے کہ 24گھنٹے میں کورونامثبت کیسز کی شرح9.43فیصد رہی، صوبے میں7اضلاع سےکورونا وائرس کے98کیسز سامنے آئے، بلوچستان میں کوروناوائرس کیسز کی مجموعی تعداد 27961ہوگئی۔

کرونا وائرس: نئے کیسز کی یومیہ تعداد ایک بار پھر ہزار سے تجاوز

کوئٹہ میں کیسز 8اعشاریہ 3فیصدشرح سے رپورٹ ہوئے۔

آپریشن سیل کے مطابق تربت میں 36فیصدشرح سے11کیسزرپورٹ ہوئے، 24گھنٹے میں 25اضلاع میں کورونا کا کوئی ٹیسٹ نہیں ہوا۔ دوسری جانب ملک میں کرونا وائرس کے نئے کیسز کی یومیہ تعداد ایک بار پھر 1 ہزار سے تجاوز کر گئی، ملک میں اب تک 37 لاکھ افراد ویکسی نیشن کروا چکے ہیں۔

نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 27 مریض انتقال کر گئے جس کے بعد کرونا وائرس سے مجموعی اموات کی تعداد 22 ہزار 582 ہوگئی۔

Comments

یہ بھی پڑھیں