The news is by your side.

Advertisement

کرونا بحران:‌ سعودی حکومت نے سعودائزیشن فیس معاف کردی

ریاض : سعودی حکام نے چھوٹے اداروں کو غیر ملکی کارکنوں سے سعودائزیشن کی مد میں لی جانے والی فیس معاف کردی۔

غیر ملکی خبر رساں ادارے کی رپورٹ کے مطابق حکومت نے یہ اقدام بھی ہلاکت خیز کرونا وائرس بحران سے اپنے اداروں، مقامی اور غیر ملکی شہریوں کو بچانے کی خاطر اٹھایا ہے۔

سعودی حکومت کی جانب سے چھوٹے اداروں کا مالی بوجھ کم کرنے کےلیے بڑا مالی پیکج منظور کیا ہے جس کے تحت ادارے ماہانہ 12 لاکھ ریال کی سبسڈی لے سکیں گے۔

میڈیا رپورٹس کے مطابق یہ سلسلہ حکومت کی جانب سے اگلے تین ماہ تک جاری رہے گا۔

قائم مقام وزیر اطلاعات ڈاکٹر ماجد القصبی کا کہنا تھا کہ سعودی کابینہ کے فیصلے سے وہ چھوٹے کاروباری ادارے فائدہ اٹھائے گے جس میں 9 یا اس سے کم ملازمین ہیں لیکن مالک کا سعودی ہونا ضروری ہے۔

خیال رہے کہ اس سے قبل کرونا وائرس کے باعث ہونے والے معاشی نقصانات کے پیش نظر سعودی عرب میں موبائل کمپنیوں نے اپنے صارفین کے ایک ماہ کے بل معاف کیے تھے۔

خیال رہے کہ سعودی فرمانروا شاہ سلمان نے تمام سعودی شہریوں، مقیم غیر ملکیوں اور اقامہ قوانین کی خلاف ورزی کرنے والے تارکین کا علاج مفت فراہم کرنے کا شاہی فرمان جاری کیا ہے۔

fb-share-icon0
Tweet 20

Comments

comments

یہ بھی پڑھیں