واشنگٹن: متعدی امراض میں امریکا کے سب سے بڑے ماہر خیال کئے جانے والے ڈاکٹر انتھونی فاؤچی نے کرونا وبا سے متعلق گہری تشویش کا اظہار کیا ہے۔
بین الاقوامی میڈیا رپورٹ کے مطابق دارالحکومت واشنگٹن ڈی سی میں نیشنل انسٹی ٹیوٹ برائے الرجی اور متعدی امراض کے ڈائریکٹر ڈاکٹر فاوچی نے کہا کہ امریکا میں کرونا کے باعث بہت مشکل صورت حال ہے اور یہ کافی پریشان کن ہے۔ڈاکٹر فاوچی نے کہا کہ چار ماہ قبل کانگریس کے سامنے کہا تھا کہ اگر اس پر قابو نہیں پایا گیا تو ایک دن میں ایک لاکھ انفیکشن تک پہنچ سکتے ہیں، لوگوں کا خیال تھا کہ میں مبالغہ آرائی سے کام لے رہا ہوں، آج حقیقت سامنے آرہی ہے اب دیکھو کیا ہو رہا ہے، یہ ہمارے بُری خبر ہے، ساتھ ہی انہوں نے واضح کیا کہ انہوں نے یہ باتیں کئی بار عوامی سطح پر کہی ، جس کا مطلب لوگوں کو ڈرانے کے لئے نہیں، بلکہ حقیقت کا جائزہ لینے کے لیے کہ صحیح صورتحال کیا ہے۔
یہ بھی پڑھیں: کورونا ویکسین : ڈونلڈ ٹرمپ نے فائزر پر الزامات عائد کردیئے
ڈاکٹر فاوچی کے مطابق امریکا میں دس ملین کرونا متاثرین ہیں، تقریبا ڈھائی لاکھ افراد ہلاک اور 60 ہزار ہسپتال میں داخل ہیں۔
ڈاکٹر فاؤچی کا مزید کہنا تھا کہ میں مانتا ہوں کہ لوگوں کو یہ سمجھنے کی ضرورت ہے کہ صحت عامہ کے اقدامات، ملک میں لاک ڈاؤن کے بجائے ماسک پہننا، سماجی فاصلہ ، بھیڑ والی جگہوں پر اجتماع سے گریز اور گھر کے اندر رہ کر ہاتھ دھونا، یہ آسان عمل ہے اور یہی وبا کا رخ موڑ سکتا ہے اور ہمیں بھی یہی کرنے کی ضرورت ہے۔
واضح رہے کہ ڈاکٹر فاؤچی وائٹ ہاؤس میں کرونا وائرس ٹاسک فورس کے رکن ہیں۔