کراچی: ایئرپورٹس پر کورونا کی روک تھام کیلئےسی اےاے نے نئے احکامات کر دیے۔
چین جانےوالے مسافروں کیلئے منفی کورونا ٹیسٹ کی رپورٹ دینا لازم قرار دے دی گئی۔ انٹرنیشنل آرائیول لاؤنج میں تعینات متعلقہ عملےکولازمی فیس ماسک کی ہدایت کی گئی ہے۔
پاکستان سے چین کیلئے پروازیں آپریٹ کرنے والی ایئرلائنز کو مراسلہ جاری کر کے ہدایات پر عمل کرنے کا کہا گیا ہے۔
چین جانےوالوں کیلئےپروازسے48گھنٹے قبل کی کورونامنفی رپورٹ لازمی ہو گی۔ 8 جنوری سےکورونا منفی رپورٹ پر ہی مسافر کو بورڈنگ کارڈجاری کیےجائیں گے۔ بین الاقوامی مسافروں کیلئےہیلتھ ڈکلیئریشن کوڈ اور گرین کوڈ منسوخ کر دیا گیا ہے۔
حکمنامہ کے مطابق انٹرنیشنل ارائیول لاؤنج میں تمام عملہ فیس ماسک ضرورپہنے، انٹری پوائنٹس پرڈس انفیکشن اورفیومیگیشن اقدامات یقینی بنائےجائیں۔ باہر سے آنیوالی پروازوں کے 2 فیصد مسافروں کی کورونا اسکریننگ یقینی بنائی جائے۔