گزشتہ سال کے آغاز سے ہی دنیا بھر کے لوگ ایک ایسی کورونا وائرس ویکسین آنے کی امید کررہے ہیں جس کے لگانے کے بعد وہ اپنی سابقہ معمول کی زندگی دوبارہ شروع کرسکیں۔
اس مقصد کیلئے دنیا بھر میں جتنی بھی کرونا وائرس ویکسین استعمال کی جارہی ہیں وہ چند ہفتوں کے فاصلے کے ساتھ دو دفعہ لگائی جارہی ہیں لیکن جو حفاظت آپ کو ویکسین مہیا کرے گی وہ فوری نہیں۔
کچھ لوگوں کا کہنا ہے کہ دو اقسام کی ویکسین لگوانا کارآمد ہوگی لیکن دنیا میں کوئی تحقیق کا کوئی ایسا ثبوت نہیں ہے کہ جس سے یہ معلوم ہوسکے کہ دو کورونا ویکسین کا امتزاج قابل علاج ہے۔
اس حوالے سے اے آر وائی نیوز کے پروگرام با خبر سویرا میں وائس چانسلر یونیورسٹی آف ہیلتھ سائنسز ڈاکٹر جاوید اکرم نے کورونا ویکسین کے امتزاج یا اس کے اثرات پر گفتگو کی۔
انہوں نے کہا کہ بد قسمتی سے پاکستان مینن دو طرح کے لوگ پائے جاتے ہیں پہلے وہ جو ویکسین لگوانا ہی نہیں چاہتے اور دوسرے ایسے بھی ہی جو کورونا ویکسین کی تیسری خوراک لینے کے خواہشمند ہیں۔
ڈاکٹر جاوید اکرم نے کہا کہ ابھی ہم نے پاکستان کے 18 کروڑ افراد کو ویکسین لگانی ہے، لیکن یہ بڑ اظلم ہوگا کہ ہم کسی کو تین خوراکیں لگادیں تو کوئی ایک خوراک بھی نہ لگوا سکے۔
ان کا کہنا تھا کہ کوئی بھی ویکسین سو فیصد تک مؤثر نہیں، لیکن اتنا ضرور ہے کہ ویکسین لگوانے سے کوئی بڑی تکلیف یا بیماری نہیں آئے گی کہ جس سے انسانی جان کوخطرہ ہو۔
