The news is by your side.

Advertisement

پاکستان میں کورونا سے مزید18افراد جاں بحق، 535کی حالت تشویشناک

اسلام آباد : ملک بھرمیں گزشتہ 24 گھنٹوں کے دوران کورونا وائرس انفیکشن کی وجہ سے مزید 18 افراد جاں بحق ہو گئے، جس کے بعد مرنے والوں کی مجموعی تعداد7 ہزار248ہوگئی۔

نیشنل کمانڈ اینڈ آپریشن سینٹر کے مطابق ملک میں 24 گھنٹوں کے دوران مزید 547 کرونا کیسز رپورٹ ہوئے، جس سے ملک میں کرونا کے مصدقہ کیسز کی تعداد 3 لاکھ 65 ہزار927 ہو گئی ہے۔

ملک میں 24 گھنٹوں کے دوران کرونا وائرس سے مزید 18افراد کے انتقال کے بعد پاکستان میں کرونا سے انتقال کرنے والوں کی تعداد 7 ہزار 248 ہو گئی ہے، جب کہ 535 مریضوں کی حالت تشویشناک ہے۔

این سی او سی کا کہنا ہے کہ اس وقت پاکستان میں کرونا کے فعال کیسز کی تعداد 32 ہزار 05 ہے، جب کہ گزشتہ 24 گھنٹوں کے دوران 886کرونا مریض صحت یاب ہوئے جس کے بعد ملک میں کرونا سے صحت یاب افراد کی تعداد 3 لاکھ 26 ہزار 674 ہوگئی۔

کرونا کی تشخیص کے لیے ملک میں 24 گھنٹوں کے دوران 36 ہزار 899 ٹیسٹ کیے گئے، مجموعی طور پر اب تک پاکستان میں 41لاکھ 78 ہزار 739 کورونا ٹیسٹ کیے جا چکے ہیں۔

Comments

یہ بھی پڑھیں