The news is by your side.

Advertisement

کورونا وائرس کی شدت میں نمایاں کمی، 24گھنٹوں میں 21افراد جاں بحق

اسلام آباد : ملک بھر میں کرونا کیسز اور اموات کی تعداد میں بتدریج کمی کا سلسلہ جاری ہے، گزشتہ 24 گھنٹوں کے دوران کرونا وائرس کے21مریض جان کی بازی ہار گئے جبکہ 727افراد میں وائرس کی تصدیق ہوئی۔

تفصیلات کے مطابق ملک میں کورونا کیسزاور اموات کی تعداد میں بتدریج کمی کا سلسلہ جاری ہے، اس حوالے سے نیشنل کمانڈ اینڈ آپریشن سینٹر نے کورونا کےتازہ ترین اعداد و شمارجاری کردیے۔

این سی اوسی کے مطابق ملک بھر میں24گھنٹےمیں کورونا وائرس سے21مریض جاں بحق ہوئے جبکہ24 گھنٹے میں727افراد میں کورونا وائرس کی تصدیق ہوئی۔

کورونا کے ایکٹیو کیسز کی تعداد19 ہزار770ہے، ملک میں اب تک2لاکھ 81ہزار863مصدقہ کورونا کیس رپورٹ ہوچکے ہیں جبکہ پاکستان میں کورونا کے2لاکھ56ہزار58مریض صحتیاب ہوچکے ہیں۔

رپورٹ کے مطابق سندھ میں ایک لاکھ22ہزار373کوروناکیس رپورٹ ہوچکے، پنجاب میں93 ہزار847، خیبرپختونخوا میں34 ہزار359کیسز، اسلام آباد میں15ہزار141کوروناکیسز، گلگت بلتستان میں2234،بلوچستان میں11ہزار793کورونا کیسز جبکہ آزاد کشمیر میں کورونا کے2116مصدقہ کیس رپورٹ ہوئے۔

اس کے علاوہ ملک بھر میں کوروناوائرس سے تاحال6035مریض انتقال کرچکے ہیں، رپورٹ میں کہا گیا ہے کہ سندھ میں کورونا کے2245، پنجاب2162مریض، خیبر پختونخوامیں1215،اسلام آباد میں167کورونامریض، بلوچستان میں136،گلگت بلتستان میں کورونا کے55مریض جبکہ آزاد کشمیرمیں تاحال کورونا وائرس سے55مریض انتقال کرچکے ہیں۔

این سی اوسی کے مطابق ملک بھر میں24گھنٹے میں15ہزار ایک کورونا ٹیسٹ کیے گئے، ملک بھر کے735اسپتالوں میں کورونا کے1365مریض زیرعلاج ہیں، کورونا مریضوں کیلئے مختص1859وینٹی لیٹرز میں سے149زیر استعمال ہیں، ملک بھر میں تاحال20لاکھ58ہزار872کورونا ٹیسٹ کیے جاچکے ہیں۔

Comments

یہ بھی پڑھیں