The news is by your side.

Advertisement

عمان نے غیرملکیوں کی آمد پر پابندی لگا دی

مسقط: سلطنت عمان نے ہلاکت خیز کورونا وائرس کے پھیلاؤ کو روکنے کے لیے غیر ملکیوں کی ریاست کے ائیرپورٹس آمد پر پابند لگا دی۔

تفصیلات کے مطابق عمان کی حکومت کی جانب سے اٹھائے جانے والے سخت اقدامات کا مقصد وبائی صورت اختیار کرنے والے ہلاکت خیز وائرس کو ریاست میں پھیلنے سے روکنا ہے، یہ اقدامات اور احتیاطی فیصلے کرونا وائرس سے نمٹنے کےلیے تشکیل دی گئی نئی کمیٹی کی سفارشات پر اٹھائے گئے ہیں۔

پابندی کا اطلاق 17مارچ دوپہر 12بجے سے پاکستان سمیت تمام ممالک کے باشندوں پر ہوگا،30دن کی پابندی کے حوالے سے سلطنت اومان نے نوٹم جاری کر دیا ہے۔

یہ بھی پڑھیں: کرونا وائرس کے انسداد کیلئے عمان نے سخت قدم اٹھالیا

پابندی کے بعد اومان آنے والے مسافروں کو قرنطینہ میں رکھا جائے گا، البتہ پابند کا اطلاق عمانی شہریوں گلف کونسل ممالک کے باشندوں اور رہائشی ویزہ کے حامل مسافروں پر نہیں ہو گا۔

نوٹم کے مطابق تمام جہازوں کا عملے اور کریو ائیرپورٹس پر بنیادی صحت کے اصولوں پر عمل درآمد کرنے کا پابند ہو گا۔

قبل ازیں عمان نے کرونا وائرس کا پھیلاؤ روکنے کےلیے آج سے تمام تعلیمی ادارے اور کھیل کی سرگرمیاں معطل کردیں، حکومت نے عدالتی کارروائیاں محدود کرنے اور نئے سیاحتی ویزے بھی جاری نہ کرنے کا اعلان کیا ہے۔

fb-share-icon0
Tweet 20

Comments

comments

یہ بھی پڑھیں