اسلام آباد: ملک بھر میں کرونا وائرس کے کیسز میں ڈرامائی کمی دیکھی جارہی ہے، یومیہ کیسز کی تعداد 2 ہزار پر پہنچ گئی جبکہ مثبت کیسز کی شرح 5.34 فیصد ہوگئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے باعث 37 افراد جاں بحق ہوئے جس کے بعد کرونا وائرس سے مجموعی اموات کی تعداد 29 ہزار 553 ہوگئی۔
این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 2 ہزار 799 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 14 لاکھ 65 ہزار 910 ہوگئی۔
ملک میں کرونا وائرس سے صحت یاب مریضوں کی مجموعی تعداد 13 لاکھ 49 ہزار 189 ہوچکی ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 52 ہزار 327 ٹیسٹ کیے گئے، اب تک ملک میں 2 کروڑ 54 لاکھ 75 ہزار 293 کووڈ 19 ٹیسٹ ہوچکے ہیں۔
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 5.34 فیصد رہی، ملک بھر کے 631 اسپتالوں میں کرونا وائرس کے 16 سو 68 مریض تشویشناک حالت میں ہیں۔
ویکسی نیشن کی صورتحال
ملک میں اب تک 11 کروڑ 14 لاکھ 8 ہزار 710 افراد کو ویکسین کی ایک ڈوز جبکہ 8 کروڑ 70 لاکھ 52 ہزار 879 افراد کو ویکسین کی دونوں ڈوزز لگائی جا چکی ہیں۔
