The news is by your side.

Advertisement

بھارت میں کرونا وائرس سے اموات 1 لاکھ سے تجاوز کر گئیں

واشنگٹن / نئی دہلی / برازیلیا: دنیا بھر میں کرونا وائرس کی تباہ کاریاں جاری ہیں، بھارت میں کرونا وائرس کیسز کی تعداد 65 لاکھ اور اموات 1 لاکھ سے تجاوز کر گئی۔

تفصیلات کے مطابق دنیا بھر میں کرونا وائرس سے متاثرہ افراد کی تعداد 3 کروڑ 51 لاکھ 82 ہزار 645 ہوگئی جبکہ کرونا وائرس سے ہلاک افراد کی تعداد 10 لاکھ 38 ہزار 810 ہوگئی۔

دنیا بھر میں کرونا وائرس کے فعال کیسز کی تعداد 79 لاکھ 76 ہزار 568 ہے، ان میں سے 66 ہزار 287 کیسز تشویشناک ہیں جبکہ دنیا بھر میں اب تک 2 کروڑ 61 لاکھ 67 ہزار 267 کرونا مریض صحت یاب ہو چکے ہیں۔

بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 96 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 4 فیصد ہے۔

اسی طرح فعال کیسز میں سے 99 فیصد معمولی بیمار ہیں جبکہ صرف 1 فیصد مریضوں کی حالت تشویشناک ہے۔

کرونا وائرس کیسز کے لحاظ سے امریکا دنیا بھر میں پہلے نمبر پر ہے۔

امریکا میں رپورٹ ہونے والے کرونا وائرس کیسز کی مجموعی تعداد 76 لاکھ سے زائد اور فعال کیسز کی تعداد 25 لاکھ 68 ہزار 134 ہو چکی ہے۔

ملک میں ہلاکتوں کی تعداد 2 لاکھ 14 ہزار 280 جبکہ صحت یاب مریضوں کی تعداد 48 لاکھ 18 ہزار 768 ہوچکی ہے، 25 لاکھ سے زائد فعال کیسز میں سے زیر علاج 14 ہزار 179 مریضوں کی حالت تشویشناک ہے۔

بھارت کرونا وائرس کیسز کے حوالے سے دوسرے نمبر پر ہے، بھارت میں کرونا وائرس سے ہونے والی ہلاکتوں کی تعداد 1 لاکھ سے تجاوز کرگئی۔

بھارت میں رپورٹ ہونے والے کرونا وائرس کیسز کی مجموعی تعداد 65 لاکھ 53 ہزار سے زائد اور فعال کیسز کی تعداد 9 لاکھ 41 ہزار 220 ہوچکی ہے۔

ملک میں ہلاکتوں کی تعداد 1 لاکھ 1 ہزار 841 جبکہ صحت یاب مریضوں کی تعداد 55 لاکھ 9 ہزار 966 ہوچکی ہے۔

برازیل میں بھی کرونا وائرس کی تباہ کاریاں جاری ہیں۔

برازیل میں رپورٹ ہونے والے کرونا وائرس کیسز کی مجموعی تعداد 49 لاکھ 6 ہزار سے زائد اور فعال کیسز کی تعداد 5 لاکھ 12 ہزار 248 ہو چکی ہے۔

ملک میں ہلاکتوں کی تعداد 1 لاکھ 46 ہزار 11 جبکہ صحت یاب مریضوں کی تعداد 42 لاکھ 48 ہزار 574 ہوچکی ہے۔

مذکورہ تینوں ممالک کے علاہ کرونا وائرس کیسز کے لحاظ سے روس، کولمبیا اور پیرو بالترتیب چوتھے، پانچویں اور چھٹے نمبر پر ہیں۔

روس میں کرونا وائرس کے مجموعی کیسز کی تعداد 11 لاکھ اور اموات 21 ہزار، کولمبیا میں کیسز کی تعداد 8 لاکھ اور اموات 26 ہزار اور پیرو میں کیسز کی تعداد 8 لاکھ اور اموات 32 ہزار ہو چکی ہیں۔

Comments

یہ بھی پڑھیں