The news is by your side.

Advertisement

کرونا وائرس: برطانیہ میں ایک روز میں 60 ہزار کیسز رپورٹ

واشنگٹن / نئی دہلی / برازیلیا / لندن: دنیا بھر میں کرونا وائرس کی تباہ کاریاں جاری ہیں، برطانیہ میں ایک روز میں ریکارڈ 60 ہزار کرونا کیسز رپورٹ کیے گئے، بھارت میں کرونا وائرس متاثرین کی تعداد ایک کروڑ سے تجاوز کر گئی۔

دنیا بھر میں کرونا وائرس سے متاثرہ افراد کی تعداد 8 کروڑ 69 لاکھ 28 ہزار 924 ہوگئی جبکہ کرونا وائرس سے ہلاک افراد کی تعداد 18 لاکھ 78 ہزار 244 ہوگئی۔

دنیا بھر میں کرونا وائرس کے فعال کیسز کی تعداد 2 کروڑ 34 لاکھ 8 ہزار 152 ہے، ان میں سے 1 لاکھ 8 ہزار 165 کیسز تشویشناک ہیں جبکہ دنیا بھر میں اب تک 6 کروڑ 16 لاکھ 42 ہزار 528 کرونا مریض صحت یاب ہو چکے ہیں۔

بین الاقوامی اعداد و شمار کے مطابق دنیا بھر میں کرونا وائرس کے کلوزڈ کیسز میں سے 97 فیصد مریض وہ ہیں جو صحتیاب ہوچکے ہیں جبکہ ہلاک ہونے والوں کی شرح 3 فیصد ہے۔

اسی طرح فعال کیسز میں سے 99.5 فیصد معمولی بیمار ہیں جبکہ صرف 0.5 فیصد مریضوں کی حالت تشویشناک ہے۔

کرونا وائرس کیسز کے لحاظ سے امریکا بدستور بے قابو صورتحال کے ساتھ دنیا بھر میں پہلے نمبر پر ہے۔

امریکا میں رپورٹ ہونے والے کرونا وائرس کیسز کی کل تعداد 2 کروڑ 15 لاکھ سے تجاوز کر چکی ہے اور فعال کیسز کی تعداد 83 لاکھ 51 ہزار 761 ہو چکی ہے۔

ملک میں ہلاکتوں کی تعداد 3 لاکھ 65 ہزار 664 جبکہ صحت یاب مریضوں کی تعداد 1 کروڑ 28 لاکھ 62 ہزار 216 ہوچکی ہے، 83 لاکھ سے زائد فعال کیسز میں سے زیر علاج 29 ہزار 733 مریضوں کی حالت تشویشناک ہے۔

بھارت کرونا وائرس کیسز کے حوالے سے دوسرے نمبر پر ہے۔ بھارت میں رپورٹ ہونے والے کرونا وائرس کیسز کی مجموعی تعداد 1 کروڑ 3 لاکھ 75 ہزار سے زائد اور فعال کیسز کی تعداد 2 لاکھ 28 ہزار 55 ہوچکی ہے۔

ملک میں ہلاکتوں کی تعداد 1 لاکھ 50 ہزار 151 جبکہ صحت یاب مریضوں کی تعداد 99 لاکھ 97 ہزار 272 ہوچکی ہے۔

برازیل میں بھی کرونا وائرس کی تباہ کاریاں جاری ہیں۔

برازیل میں رپورٹ ہونے والے کرونا وائرس کیسز کی مجموعی تعداد 78 لاکھ سے زائد اور فعال کیسز کی تعداد 6 لاکھ 50 ہزار 823 ہوچکی ہے۔

ملک میں ہلاکتوں کی تعداد 1 لاکھ 97 ہزار 777 جبکہ صحت یاب مریضوں کی تعداد 69 لاکھ 63 ہزار 407 ہوچکی ہے۔

کرونا وائرس کی نئی قسم نے برطانیہ میں ایک بار پھر کاری وار کیا ہے، برطانیہ میں ایک دن میں ریکارڈ 60 ہزار کیسز رپورٹ ہوئے، انگلینڈ اور اسکاٹ لینڈ میں لاک ڈاؤن جاری ہے۔

جرمنی نے 31 جنوری تک لاک ڈاؤن میں توسیع کردی ہے جبکہ بھارت میں 13 جنوری سے کرونا ویکسین لگانے کا عمل شروع کردیا جائے گا۔

Comments

یہ بھی پڑھیں