The news is by your side.

Advertisement

کرونا وائرس، نریندر مودی نے بھارت میں کرفیو لگانے کا اعلان کردیا

نئی دہلی: کرونا وائرس کے پیش نظر بھارتی وزیراعظم نریندر مودی نے ملک بھر میں کرفیو لگانے کا اعلان کردیا۔

غیرملکی خبررساں ادارے کی رپورٹ کے مطابق بھارتی حکومت نے کرونا وائرس سے نمٹنے کے لیے 22 مارچ کو ملک بھر میں کرفیو لگانے کا اعلان کردیا۔

نریندر مودی کا کہنا تھا کہ بھارتی عوام اتوار کے روز صبح 7 بجے سے لیکر رات 9 بجے تک گھروں میں رہیں۔

بھارتی وزیراعظم کی جانب سے کرفیو کو ’جنتا کرفیو‘ کا نام دیا گیا ہے، نریندر مودی کا کہنا تھا کہ اتوار کے روز تمام شہری گھروں میں رہیں اور اشد ضرورت کے تحت ہی باہر نکلیں۔

نریندر مودی کا کہنا تھا کہ بچے اور 60 سال سے زائد العمر کے افراد چند ہفتوں تک گھروں میں محدود رہیں، ہم نے کرونا وائرس سے خود کو احتیاط کرکے بچانا ہے۔

مزید پڑھیں: بھارت: کرونا کے مشتبہ مریض نے آئسولیشن وارڈ سے کود کر خودکشی کر لی

بھارتی وزیراعظم کا کہنا تھا کہ 22 مارچ سے ایک ہفتہ تک بھارت میں کسی بھی بین الاقوامی تجارتی پروازوں کو جانے کی اجازت نہیں ہوگی۔

خیال رہے کہ بھارت میں کرونا وائرس سے ہونے والی اموات کی تعداد 3 ہو چکی ہے جب کہ 174 لوگ وائرس سے متاثرہ ہیں۔

گزشتہ روز بھارت میں ریاستی حکومت نے کرونا وائرس کی وبا میں مبتلا افراد کے ہاتھوں پر اسٹمپ لگانے کا اعلان کیا تھا جس کا مقصد وائرس میں مبتلا افراد کی شناخت کرنا ہے۔

بھارتی ریاست مہاراشٹرا کی حکومت نے یہ انوکھا اقدام عالمی وبا کو مزید پھیلنے سے روکنے کےلیے اٹھایا ہے، اسٹمپ وائرس میں مبتلا ان افراد کے ہاتھوں پر لگائی جائے گی جنہیں گھروں میں قرنطینہ کیا جائے گا۔

fb-share-icon0
Tweet 20

Comments

comments

یہ بھی پڑھیں