The news is by your side.

Advertisement

شمالی کوریا میں کروناوائرس سے 180 فوجی اہلکار ہلاک

پیانگ یانگ: جان لیوا کروناوائرس نے شمالی کوریا میں بھی اپنے پنجے گاڑھ لیے جس کے نتیجے میں مبینہ طور پر 180 فوجی اہلکار ہلاک اور سیکڑوں مہلک وائرس سے متاثر ہیں۔

غیرملکی خبررساں ادارے کی رپورٹ میں دعویٰ کیا گیا ہے کہ کروناوائرس سے اب تک 180 شمالی کورین فوجی اہلکار ہلاک ہوچکے ہیں جبکہ متاثرہ 3 ہزار کے قریب اہلکاروں کو الگ رکھا گیا ہے جہاں انہیں طبی امداد فراہم کی جارہی ہے۔

جبکہ شمالی کوریا کے سربراہ کم جونگ ان کی حکومت اپنے ملک کو کروناوائرس سے محفوظ قرار دے رہی ہے۔ رپورٹ میں دعویٰ کیا گیا ہے کہ ملیٹری کے اہم عہدیداروں نے کروناوائرس سے 180 افواج کی موت کی تصدیق کی ہے۔

خیال رہے کہ شمالی کوریا میں حکومتی سطح پر تاحال کرونا وائرس سے ہلاک یا پھر متاثرہ افراد کے کیس کی تصدیق نہیں کی گئی۔ حکومت نے ملک بھر میں انتہائی سخت پابندیاں عائد کی ہوئی ہیں جن کے تحت سرحدیں بند اور ہزاروں افراد کو قرنطینہ میں رکھا گیا ہے۔

کورونا وائرس، ترکی کا ایران کے ساتھ سرحد عارضی طور پر بند کرنیکا فیصلہ

دوسری جانب مبصرین کا خیال ہے کہ کم جونگ ان کا صحت سے متعلق نظام کرونا وائرس کو روکنے کے لیے پوری طرح تیار نہیں ہے جس کے باعث خدشہ ہے کہ مہلک وائرس کا پھیلنا تباہ کن ثابت ہوسکتا ہے۔

شمالی کوریا، جنوبی کوریا اور چین کا پڑوسی ملک ہے اور مذکورہ دونوں ممالک کرونا سے شدید متاثر ہیں۔ ہلاک ہونے والے زیادہ تر فوجی اہلکار وہ ہیں جو چین کے بارڈرز پر تعینات کیے گئے تھے۔

fb-share-icon0
Tweet 20

Comments

comments

یہ بھی پڑھیں