لندن: آکفسورڈ یونیورسٹی میں تیار کردہ کوویڈ 19 ویکسین کے ابتدائی تجرباتی مراحل میں حوصلہ افزا نتائج سامنے آئے ہیں۔
بین الاقوامی میڈیا رپورٹس کے مطابق آکسفورڈ یونیورسٹی کے ماہرین نے کوویڈ 19 ویکسین کو محفوظ، مدافعتی ردعمل کو متحرک کرنے اور پروان چڑھانے میں کارگر قرار دیا ہے۔
سائنسدانوں کی جانب سے شیئرکیے گئے ڈیٹا میں یہ بات واضح ہوئی ہے کہ 1077 افراد پر مشتمل آزمائشی مرحلے میں انہیں انجیکشن لگایا گیا جس نے انٹی باڈیز اور ٹی سیل بنائے جو کہ کورونا وائرس کے خلاف مزاحمت پیدا کرتے ہیں۔
ویکسین کے مثبت نتائج ضرور سامنے آئے ہیں تاہم ابھی یہ جاننا ضروری ہے کہ ویکسین مکمل تحفظ کے لیے کافی ہے یا اس کے لیے بڑے پیمانے پر ٹرائل کی ضرورت ہے۔
This is very positive news. A huge well done to our brilliant, world-leading scientists & researchers at @UniofOxford.
There are no guarantees, we’re not there yet & further trials will be necessary – but this is an important step in the right direction.https://t.co/PRUTu8rlPF— Boris Johnson (@BorisJohnson) July 20, 2020
برطانوی حکومت نے تجربات کے بعد10کروڑ ویکسین کی تیاری کا آرڈر دے دیا ہے جب کہ وزیراعظم بورس جانسن نے ویکسین کےنتائج پر اظہار مسرت کرتے ہوئے کہا ہے کہ سائنسدانوں نےقابل تعریف کام کیاہے۔
ٹوئٹر پیغام میں انہوں نے کہا کہ ابھی مزیدٹرائلز کی ضرورت ہے تاہم یہ بڑی کامیابی ہے۔
AZD1222 نامی ویکسین آسٹرازینیکا اور آکسفورڈ یونیورسٹی کے سائنسدان تیار کر رہے ہیں، یہ ویکسین غیر معمولی رفتار سے تیار کی جارہی ہے۔