The news is by your side.

Advertisement

کرونا وائرس:‌ برطانوی وزیر اعظم کی صحت سے متعلق بڑی خبر

لندن: کرونا وائرس سے متاثر ہونے والے برطانوی وزیراعظم بورس جانسن کو ڈاکٹرز نے اسپتال سے گھر جانے کی اجازت دے دی۔

نمائندہ اے آر وائی نیوز کی رپورٹ کے مطابق برطانوی وزیراعظم کو اسپتال سے چھٹی دے دی گئی جس کے بعد وہ کنٹری ہاؤس میں چودہ روز تک قیام کریں گے اور وہاں اُن کی دیکھ بھال بکنگھم شائر کنٹری ہاؤس میں جاری رہے گی۔

یاد رہے کہ برطانوی وزیراعظم کرونا وائرس سے متاثر ہوئے تھے جس کے بعد انہوں نے خود کو گھر تک محدود کرلیا تھا اور ویڈیو لنک کے ذریعے ہی حکومتی معاملات چلا رہے تھے۔

مزید پڑھیں: بورس جانسن آئی سی یو سے وارڈ میں منتقل

بورس جانسن کی چند روز قبل طبیعت خراب ہوئی جس کے بعد انہیں لندن کے اسپتال میں داخل کرایا گیا، طبیعت ناساز ہونے کے بعد ڈاکٹرز نے انہیں انتہائی نگہداشت وارڈ میں منتقل کردیا تھا۔

بورس جانسن کی طبیعت بہتر ہونے کے بعد ڈاکٹرز نے انہیں دو روز قبل آئی سی یو سے وارڈ میں منتقل کیا اور اب انہیں اسپتال سے گھر جانے کی اجازت دے دی گئی۔

برطانوی وزیراعظم نے اپنے ویڈیو پیغام میں طبی عملے کا شکریہ ادا کیا اور انہوں نے تمام ڈاکٹرز ، پیرامیڈیکل اسٹاف کو ہیرو قرار دیتے ہوئے اُن کی تعریف بھی کی تھی۔

یہ بھی پڑھیں: وزیراعظم کا بورس جانسن کی جلد صحت یابی کیلیے نیک خواہشات کا اظہار

عالمی رہنماؤں نے بورس جانسن کی طبیعت ناسازی پر اُن کے لیے نیک تمناؤں کا اظہار کیا تھا اور جلد صحت یابی کے لیے دعا بھی کی تھی۔

Comments

یہ بھی پڑھیں