The news is by your side.

Advertisement

مارچ تک ویکسینز کی فراہمی، وزیر اعظم نے اقدامات تیز کرنے کی ہدایت کر دی

اسلام آباد: وزیر اعظم عمران خان نے مارچ تک کرونا ویکسین کی فراہمی کے سلسلے میں اقدامات تیز کرنے کی ہدایت کر دی ہے۔

تفصیلات کے مطابق آج وزیر اعظم کو بریفنگ دی گئی کہ چند روز میں 2 ویکسینز کے ایمرجنسی استعمال کی منظوری دی گئی ہے، مارچ تک کرونا ویکسینز کی فراہمی یقینی بنائی جائے گی۔

کرونا ویکسین کے حصول کے حوالے سے قائم کابینہ کمیٹی نے وزیر اعظم کو بریفنگ میں کہا چند دنوں میں 2 ویکسینز کے ایمرجنسی استعمال کی منظوری دی جا چکی ہے، مزید ویکسینز کی منظوری کے لیے اقدامات کو فاسٹ ٹریک کیا جا رہا ہے، منظور شدہ 2 ویکسینز کے حصول کے لیے اقدامات بھی جاری ہیں۔

کمیٹی ارکان نے بریفنگ میں کہا سال کی پہلی سہ ماہی میں ویکسینز کی فراہمی کو یقینی بنایا جائے گا، وزیر اعظم نے منظور شدہ ویکسینز کے حصول اور فراہمی کے اقدامات تیز کرنے کی ہدایات کرتے ہوئے کہا کرونا کے حوالے سے ہماری حکمت عملی کامیاب رہی، کرونا کیسز میں کمی آنا شروع ہوئی۔

وزیر اعظم نے کہا ملک میں مکمل لاک ڈاؤن کیا جاتا تو بھیانک نتائج مرتب ہو سکتے تھے۔

اجلاس میں وزیر صنعت حماد اظہر، وزیر منصوبہ بندی اسد عمر، معاون خصوصی صحت ڈاکٹر فیصل اور معاون خصوصی ثانیہ نشتر شریک تھے۔

Comments

یہ بھی پڑھیں