چکوال: طالب علم پر استاد کے بہیمانہ تشدد کا ایک اور کیس سامنے آگیا. ویڈیو وائرل ہوگئی۔
تفصیلات کے مطابق انٹرنیٹ پر ایک ویڈیو سامنے آئی ہے، جس کی بابت دعویٰ کیا گیا ہے کہ یہ چکوال کے علاقے تلہ کنگ کے نجی اسکول کی ویڈیو ہے۔
ویڈیو میں دیکھا جاسکتا ہے کہ ایک استاد اپنے طالب علم کو چھڑی سے پیٹ رہا ہے ۔
موصولہ اطلاقات کے مطابق یہ واقعہ مبینہ طور پر تلہ کنگ کے علی اینجل نامی اسکول میں پیش آیا اور تشدد کرنے والا استاد اسکول کا پرنسپل ہے، تاہم اس کی ابھی تصدیق نہیں ہوسکی۔
یاد رہے کہ پاکستان میں طلبا پر تشدد یا جسمانی سزا (corporal punishment ) کے خلاف قوانین موجود ہیں.
پاکستان پینل کوڈ کے مطابق بچوں پر اسکول، کالجز اور مدارس میں جسمانی تشدد کی قطعی اجازت نہیں اور یہ عمل قانوناً جرم ہے، جس کی سزائیں متعین ہیں.
مزید پڑھیں: سکھرملتان اورلاہور میں اسکول کے بچوں سے جبری مشقت کا انکشاف
بدقسمتی سے قانون کی موجودگی کے باوجود ملک بھر میں طلبا پر تشدد کے کیسز روز سامنے آتے. چند افسوس ناک واقعات میں تو طلبا کو اپنی جان سے ہاتھ دھونا پڑتا ہے.
تلہ کنگ سے سامنے آنے والی ویڈیو میں بھی استاد کو بچے پر تشدد کرتے دیکھا جاسکتا ہے.
