فوج آئین کی بالادستی کے لیے کام کرتی رہے گی: آرمی چیف -
The news is by your side.

Advertisement

فوج آئین کی بالادستی کے لیے کام کرتی رہے گی: آرمی چیف

راولپنڈی: آرمی چیف جنرل قمر جاوید باجوہ کا کہنا ہے کہ فوج قومی اداروں کے ساتھ مل کر آئین کی بالادستی اور قانون کی حکمرانی کے لیے کام کرتی رہے گی۔

تفصیلات کے مطابق جی ایچ کیو راولپنڈی میں آرمی چیف جنرل قمر جاوید باجوہ کی زیر صدارت کور کمانڈرز کانفرنس منعقد ہوئی۔

کانفرنس میں ملکی داخلی اور بیرونی سیکیورٹی صورتحال اور پیشہ وارانہ امور پر بات چیت کی گئی۔

اجلاس میں شرکا کو آپریشن رد الفساد کے تحت ہونے والی پیشرفت سے آگاہ کیا گیا۔ شرکا کو آپریشن خیبر 4 کی کامیابیوں سے متعلق تفصیلات اور لائن آف کنٹرول کی تازہ ترین صورتحال کے بارے میں بھی بتایا گیا۔

کانفرنس میں اظہار خیال کرتے ہوئے آرمی چیف جنرل قمر جاوید باجوہ کا کہنا تھا ک پاکستان ہمسایوں کے ساتھ پر اعتماد باہمی تعاون پر مبنی تعلقات کا خواہاں ہے۔ خطے میں دیرپا امن و استحکام کے لیے باہمی تعاون کو فروغ دینا ہوگا۔

آرمی چیف نے کہا کہ پاک فوج قومی دفاع اور سیکیورٹی کے لیے اپنا کردار ادا کرتی رہے گی۔ دہشت گردی اور انتہا پسندی کے خاتمے کے لیے دیگر اداروں کے ساتھ مل کر کوششیں جاری رکھی جائیں گی۔

انہوں نے کہا کہ آئین کی بالا دستی اور قانون کی پاسداری کو یقینی بنایا جائے گا۔ قانون اور آئین کی حکمرانی کے لیے تمام اقدامات جاری رہیں گے۔


Comments

comments

یہ بھی پڑھیں