کراچی: سندھ ٹیکسٹ بُک بورڈ میں کرپشن پر نگراں حکومت نے نوٹس لیتے ہوئے سابق چیئرمین آغاسہیل پٹھان کے خلاف تحقیقات کا حکم دےد یا۔
آغا سہیل پٹھان کے بطور چیئرمین سندھ ٹیکسٹ بک بورڈ خردبرد کا انکشاف ہے جس کی تحقیقات کے لیے نگراں حکومت نے احکامات جاری کر دیے ہیں۔
سندھ حکومت کا کہنا ہے کہ ٹرانسپورٹ کی مد میں ایک کروڑ کے لگ بھگ رقم نکلوائی گئی جب کہ 70 کے قریب ملازمین بغیر اشتہار کنٹریکٹ پر بھرتی کیےگئے۔
- Advertisement -
وزیراعلیٰ کو پیش کی گئی رپورٹ میں انکشاف ہوا کہ ملازمین گھر بیٹھ کرتنخواہ لیتے ہیں، ٹیکسٹ بُک بورڈکے50کروڑروپےنجی بینک میں انویسٹمینٹ مدمیں دینےکی کوشش کی گئی۔
سندھ حکومت نے ٹریزری حکام کے ذریعے چیک کو کیش ہونے سے روک دیا ہے۔
