اسلام آباد : فیڈرل بورڈ آف ریونیو میں کرپشن میں مبینہ ملوث 400افسران اور عملے سے باز پرس جاری ہے جبکہ مبینہ 400 افسران اور ٹیکس اہل کار تبدیل کردیئے ہیں۔
تفصیلات کے مطابق فیڈرل بورڈ آف ریونیو کراچی زونل آفس میں کرپشن کا اسکینڈل سامنے آنے کے بعد چیئرمین ایف بی آر ڈاکٹر عاصم متحرک ہوگئے۔
ذرائع نے بتایا کہ کرپشن میں مبینہ ملوث 400افسران اور عملے کی باز پرس کی جارہی ہے جبکہ مبینہ 400 افسران اور ٹیکس اہل کار تبدیل کردیئے ہیں۔
ایف بی آر زونل آفسز میں کرپشن کی رپورٹ اور خوردبرد کے کیسز پر ملازمین کے تقررو تبادلوں کی رپورٹ تیار کرلی گئی ہے۔
ایف بی آر کراچی آفسز میں تقرروتبادلوں کی رپورٹ پبلک اکاؤنٹس کمیٹی کوجمع کرا دی گئی ، پبلک اکاؤنٹس کمیٹی نے ایف بی آر کی تقرروتبادلوں پر مشتمل رپورٹ مسترد کردی۔
چیئرمین کمیٹی نورعالم نے کہا کہ ایف بی آر میں کرپٹ پریکٹسزکو روکنے کیلئے ہرممکن اقدام کیا جائے گا۔
ایف بی آر نے کرپشن میں ملوث افسران کی رپورٹ کےبجائے تقررو تبادلوں کی رپورٹ دی ، پبلک اکاؤنٹس کمیٹی کو تقرری یا تبادلے کےبجائے ایکشن کی رپورٹ دیں۔
