اسلام آباد : مقامی عدالت نے اداروں کیخلاف بغاوت کے کیس میں پی ٹی آئی شہبازگِل پر فرد جرم عائد ہونے کی کارروائی موخر کردی۔
تفصیلات کے مطابق اسلام آباد ڈسٹرکٹ اینڈسیشن کورٹ اسلام آباد میں شہبازگل کی جانب سے اداروں کیخلاف بغاوت پر اکسانے کےکیس کی سماعت ہوئی۔
اسپیشل پراسیکیوٹر رضوان عباسی نے عدالت کو بتایا کہ دونوں درخواستیں سماعت کل کے لیے رکھ دیں۔
- Advertisement -
عدالت نے اداروں کیخلاف بغاوت کے کیس میں شہبازگِل کی آج حاضری سے استثنیٰ کی درخواست منظورکردی۔
عدالت نے فرد جرم عائد ہونے کی کارروائی موخر کردی ، اب شہباز گل پر فرد جرم گیارہ مارچ کو عائد کی جائے گی۔
دوسری جانب شہباز گل نے ایڈیشنل سیشن جج طاہرعباس سپرا کی عدالت میں دو درخواستیں دائر کردیں، جس میں شہباز گل نے سپریم کورٹ میں ارشدشریف از خود نوٹس کیس کے فیصلےتک سماعت روکنے کی استدعا کی ہے۔
