اسلام آباد : سیشن عدالت نے شیخ رشید کی ضمانت بعد از گرفتاری کی درخواست کے تحریری فیصلے میں کہا ہے کہ شیخ رشید کا الزام کو بار بار دہرانا ضمانت خارج ہونے کی وجہ ہے۔
تفصیلات کے مطابق اسلام آباد کی سیشن عدالت سے عوامی مسلم لیگ کے سربراہ شیخ رشید کی ضمانت بعدازگرفتاری کی درخواست مسترد کئے جانے کا تحریری فیصلہ جاری کردیا
ایڈیشنل سیشن جج طاہر عباس سپرا نے 4صفحات پر مشتمل تحریری فیصلہ جاری کیا ، جس میں کہا کہ آصف زرداری پر عمران خان کے قتل کی سازش سے متعلق بیان پر مقدمہ درج ہوا، شیخ رشید کے مطابق قتل کی سازش سے متعلق شواہد شیئر کرنے کیلئےتیار ہیں۔
فیصلے میں کہا گیا ہے کہ ہائیکورٹ فیصلے کے مطابق پولیس کو مقدمہ درج کرنے سے نہیں روکا گیا، شیخ رشید کا بیان بیرون ملک بھی نشر ہوا جس سے وہ انکاری نہیں۔
تحریری فیصلے کے مطابق ٹرانسکرپٹ کے مطابق ثابت نہیں ہوتا عمران خان نے کوئی معلومات شیئرکی ، شیخ رشید کی عمران خان سے ملاقات ہوئی اور تفصیل دیئے بغیر الزام لگایا گیا۔
شیخ رشید ایک طرف کہتے ہیں سازش کی معلومات ہیں مگرپولیس سے شیئر نہیں کی، ان کے بیان سے دونوں سیاسی کارکنان میں اشتعال پیدا ہو سکتا ہے۔
شیخ رشید سینئر سیاستدان ہیں اور ایف آئی آر میں دفعات سنجیدہ ہیں، ان اپنے بیانات کے اثرات سے لاعلم ہیں ، وہ ماضی میں بھی اس طرح کے غیر سنجیدہ بیان دے چکے ہیں ، شیخ رشید کاالزام کو بار بار دہرانا ضمانت خارج ہونےکی وجہ ہے۔
